ԱԺ կայք, թե՞ Ruben Travel
Tue, 06 Oct 2026 18:12:29 +0400
ԱԺ-ում ընդդիմադիր պատգամավոր Էդգար Ղազարյանը քննադատության է ենթարկել խորհրդարանի պատգամավորների գործուղումների հետ կապված ծախսերը։
Նա նշել է, որ Ազգային ժողովի պաշտոնական կայքում նախագահի բաժնում հրապարակվող որոշումների և կարգադրությունների թվում մեծ տեղ են զբաղեցնում գործուղումների վերաբերյալ փաստաթղթերը։
«Նայում ես՝ ԱԺ կայքի նախագահի բաժնում կան որոշումներ, կարգադրություններ, ու տպավորություն է ստեղծվում՝ ոչ թե ԱԺ կայքն է, այլ «Ռուբեն թրավըլ» տուրիստական գործակալությունը՝ գործուղումներ, գործուղումներ»,- ասել է Ղազարյանը։
Նրա խոսքով՝ այս պահին «Քաղաքացիական պայմանագիր» խմբակցության 11 պատգամավոր գտնվում է արտերկրյա կամ այլ գործուղումների մեջ, ինչը, պատգամավորի գնահատմամբ, պետական բյուջեի համար լրացուցիչ ծախսեր է ենթադրում։