ԱՄՆ-ին ողջամտության կոչ է արել
Tue, 06 Oct 2026 19:30:34 +0400
Իրանը հույս ունի, որ Միացյալ Նահանգները կընտրի ողջամտության եւ դիվանագիտական կարգավորման ճանապարհը, սակայն պատրաստ է ուժային ցանկացած սցենարի։ Այս մասին հայտարարել է Իրանի ԱԳ նախարար Աբաս Արաղչին։
«Մենք հույս ունենք, որ Միացյալ Նահանգները առողջ բանականության եւ ողջամտության ուղին կընտրի։ Սակայն եթե նրանք նորից ռազմական լուծումներով շարժվեն առաջ, մենք պատրաստ ենք շատ ավելի լավ, քան երբեք։ Եւ կձեռնարկենք ցանկացած գործողություն՝ մեր պաշտպանության համար։ Եթե ընտրեն դիվանագիտության ճանապարհը, մենք դրան էլ ենք պատրաստ»,- ասել է Իսլամական Հանրապետության ԱԳ նախարարը։ Արաղչին նաեւ ասել է, որ ճնշումներ բանեցնելու եւ միակողմանի նորանոր սանկցիաներ կիրառելու պրակտիկան ցույց է տվել, որ ձախողված է ու չի կարող արդյունք ապահովել։