«Հրապարակ»․ Հայհոյող, ծեծող-ջարդող ՔՊ-ականն ընդամենը տուգանվեց

«Հրապարակ»․ Հայհոյող, ծեծող-ջարդող ՔՊ-ականն ընդամենը տուգանվեց

Wed, 07 Oct 2026 10:25:29 +0400


Թալին խոշորացված համայնքի Արագածավան գյուղի ՋՕԸ նախկին պետ, ներկայում Թալինի կոմունալ բաժնի պետ Սուրեն Թորոսյանի գործով Արագածոտնի մարզի առաջին ատյանի դատարանը վերջապես դատավճիռ է կայացրել՝ դեպքից ավելի քան 3 տարի անց։

Հիշեցնենք․ ըստ գործի նյութերի՝ 2023 թվականի հունիսի 7-ին Արագածավանում գտնվող ավտոլվացման կետի մոտ տեղի ունեցած վիճաբանության ժամանակ Թորոսյանը գազաբալոնից գազ էր փչել 24-ամյա Արմեն Սահակյանի դեմքին, ապա փայտով հարվածներ հասցրել նրա մարմնի տարբեր մասերին։ Սահակյանն ամբուլատոր բուժօգնություն էր ստացել։

Դատարանը Թորոսյանին շատ մեղմ պատիժ է նշանակել` նախ տուգանել է 375 հազար դրամով, ապա պատիժը 15 հազար դրամով մեղմացրել է՝ վերջնական սահմանելով 360 հազար դրամ տուգանք։ Դատարանը հաշվի է առել այն հանգամանքը, որ Թորոսյանը ձերբակալվածի կարգավիճակով մեկ օր գտնվել է անազատության մեջ։
Բայց այստեղ պատմությունը միայն 360 հազար դրամի մասին չէ։ Թորոսյանը դեպքից հետո էլ շարունակել է ագրեսիվ ու վիրավորական վարք դրսեւորել՝ իշխանության ընդդիմախոսների հասցեին հայհոյանքներ ու վիրավորական գրառումներ անելով։ Հավանաբար, նման մեղմ վերաբերմունքի իրական պատճառն այն է, որ նա շարունակ մասնակցում է իշխանական միջոցառումներին։ Օրինակ, Հովհաննավանքում՝ Նիկոլ Փաշինյանի մասնակցությամբ ֆեյք պատարագներին, Աննա Հակոբյանի «Կրթվելը նորաձեւ է» նախաձեռնությանը եւ նրա կազմակերպած դասախոսություններին։

Ստացվում է՝ Եկեղեցու դեմ իշխանական արշավներին, Աննա Հակոբյանի նախաձեռնություններին մասնակցելն ու ՔՊ-ական լինելը Թորոսյանի համար ինդուլգենցիա են ապահովել, եւ այն արարքի համար, որը եթե մեկ այլ անձ աներ, կհայտնվեր անազատության մեջ, դատարանը սահմանափակվել է տուգանք նշանակելով։ Մարդու դեմքին գազ փչելու եւ փայտով հարվածներ հասցնելու պատիժը եղել է ընդամենը 360 հազար դրամ վճարելը։

Տուժող Արմեն Սահակյանի շահերը դատարանում ներկայացրել է փաստաբան Արսեն Բաբայանը։ Դատավճռի վերաբերյալ Բաբայանն ասաց. «Ճիշտն ասած՝ դատավճիռը դեռ չեմ կարդացել, բայց առաջադրված մեղադրանքի շրջանակում, հաշվի առնելով նախկինում դատվածություն չունենալու հանգամանքը, պատիժը դրանից ավելի լինել չէր կարող»։ Դատավճիռը բողոքարկելո՞ւ են։ Պաշտպանն ասաց՝ ծանոթանա, պարզ կդառնա։

© 2026 Secure News Portal

Source: Hraparak

Hraparak.am

Share
Published by
Hraparak.am

Recent Posts

Ինչքան կարևոր է ալիևյան սահմանադրությունն անցկացնելը, որ պատրաստ է «կոնի» վրա իր պաշտոնն էլ դնել

Ինչքան կարևոր է ալիևյան սահմանադրությունն անցկացնելը, որ պատրաստ է «կոնի» վրա իր պաշտոնն էլ դնել…

3 ժամ ago

«Նոր խնդրի առաջ ենք` ինչպե՞ս պաշտպանել մեր ջրային ռեսուրսները դավաճաններից». Հովհաննես Իշխանյան

«Նոր խնդրի առաջ ենք` ինչպե՞ս պաշտպանել մեր ջրային ռեսուրսները դավաճաններից». Հովհաննես Իշխանյան Thu, 19 Nov…

3 ժամ ago

Բենզինն Ամերիկայում սկսել է էժանանալ

Բենզինն Ամերիկայում սկսել է էժանանալ Wed, 18 Nov 2026 23:55:08 +0400 Բենզինի գինը ամերիկյան ավտոլցակայաններում…

4 ժամ ago

Վարչապետի և ընդդիմության բախումը, Թրամփ–Պուտին–Սի հանդիպումը․ Օրվա թոփ լուրերը

Վարչապետի և ընդդիմության բախումը, Թրամփ–Պուտին–Սի հանդիպումը․ Օրվա թոփ լուրերը Wed, 18 Nov 2026 23:55:01 +0400…

4 ժամ ago

«Ինչո՞վ է պայմանավորված «Քանդենք պետությունը» կուսակցության ոչ ադեկվատ վարքագիծը». Տաթևիկ Հայրապետյան

«Ինչո՞վ է պայմանավորված «Քանդենք պետությունը» կուսակցության ոչ ադեկվատ վարքագիծը». Տաթևիկ Հայրապետյան Wed, 18 Nov 2026…

4 ժամ ago

Քանյե Ուեսթն ու Բյանկա Ցենզորին պատրաստվում են հարսանիքի

Քանյե Ուեսթն ու Բյանկա Ցենզորին պատրաստվում են հարսանիքի Wed, 18 Nov 2026 23:45:34 +0400 49-ամյա…

4 ժամ ago