Ավագանու թեկնածուները՝ 18-20 տարեկան ուսանողներ
Fri, 09 Oct 2026 21:15:04 +0400
Հոկտեմբերի 25-ին կայանալիք Իջևան համայնքի ավագանու համամասնական ընտրություններին Դավիթ Սանասարյանի ղեկավարած «Ինքնիշխան Հայաստան» կուսակցությունը ներկայացրել է ավագանու թեկնածուների 15 հոգուց բաղկացած ցուցակ, որը գլխավորում է Իջևան համայնքի Աչաջուր գյուղի բնակիչ, անկուսակցական, ինքնազբաղված, 1999թ․-ին ծնված Լևոն Վարդապետյանը։ Ընտրացուցակի 2-րդ համարը Աչաջուր գյուղի բնակիչ, «Ինքնիշխան Հայաստան» կուսակցության անդամ, ուսանող, 2008թ․-ին ծնված Մելինե Պողոսյանն է։ Մենք պարզեցինք, որ 15 թեկնածուներից 8-ը ուսանող են, 5-ը՝ ինքնազբաղված։ Լեւոն Վարդապետյանը մեր լրագրողի հետ զրույցում ասել էր, որ ամենաանհավանական ճնշումների են ենթարկվել իրենց թեկնածուներն ու համակիրները` 8 անձի ուղիղ զանգահարել են, 2 հոգի հրաժարվել է առաջադրումից: