Եզրաս Սրբազանը դատապարտել է Հայաստանի իշխանությունների հակաեկեղեցական արշավը
Sun, 18 Oct 2026 15:17:29 +0400
Հայ Առաքելական Եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը Հայաստանի իշխանությունների գործողությունները Եկեղեցու դեմ, հակաեկեղեցական տրամադրությունների բորբոքումը և հոգևորականների նկատմամբ հետապնդումները անթույլատրելի է համարել։ Հայտարարությունը հրապարակվել է Նոր Նախիջևանի թեմի Telegram-ալիքում։
«Հայաստանի Հանրապետության իշխանությունների կողմից Եկեղեցու դեմ սանձազերծված ապօրինի արշավը, հակաեկեղեցական տրամադրությունների բորբոքումը, Եկեղեցու և հոգևորականների նկատմամբ անհիմն մեղադրանքներն ու բռնաճնշումները անընդունելի և անթույլատրելի են», — հայտարարել է արքեպիսկոպոսը։
Նա ընդգծել է, որ Հայոց եկեղեցին դարեր շարունակ միավորել է հավատացյալներին ամբողջ աշխարհում և շարունակում է մնալ ազգային ժառանգության պահապանը և հայկական ինքնության պահպանման երաշխավորը։
«Թող Տերը զորացնի Հայոց Եկեղեցին», — ավելացրել է Եզրաս Ներսիսյանը։ Վերջում նա մեջբերել է Պողոս առաքյալի խոսքերը Հիսուս Քրիստոսի շնորհիվ հաղթանակի մասին՝ ընդգծելով Աստծո օգնությանն ապավինելու կարևորությունը։