Արաղչին մեկնաբանել է ԱՄՆ-ի հնարավոր հարձակումը Իրանի դեմ
Mon, 19 Oct 2026 09:30:03 +0400
Իրանի արտգործնախարար Աբբաս Արաղչին հայտարարել է, որ ԱՄՆ-ի հնարավոր հարձակման դեպքում Թեհրանի պատասխանն էլ չի ուշանա։ Նա այդ մասին գրել է X սոցցանցում։
ԱՄՆ նախագահ Դոնալդ Թրամփն ավելի վաղ հայտարարել էր, որ Իրանի դեմ հետագա քայլերի վերաբերյալ որոշում կկայացնի առաջիկայում:
«Վերջին անգամ, երբ դուք ցանկանում էիք «գործն ավարտին հասցնել», Իրանը միայն ուժեղացավ։ Ցանկանում եք կրկի՞ն փորձել ձեր բախտը: Խնդրեմ։ Բայց զգույշ կլինեք. մենք էլ կիսատ գործեր ունենք»,– գրել է Արաղչին։
Նա նշել է, որ Իսրայելի վարչապետ Բենիամին Նեթանյահուն է ԱՄՆ-ին ներքաշում հերթական պատերազմի մեջ, որպեսզի խուսափի բանտարկությունից՝ անկախ նրանից, թե ինչ հետևանքներ կլինեն Իսրայելի համար: