Երբ եւ որտեղ կկայանա Մոսկվա-Պեկին-Վաշինգտոն գագաթնաժողովը
Mon, 19 Oct 2026 17:30:25 +0400
Ռուսաստանը, Միացյալ Նահանգներն ու Չինաստանը հնարավոր են համարում եռակողմ գագաթնաժողովի անցկացումը, հայտարարել է Կրեմլի խոսնակ Դմիտրի Պեսկովը, Wall Street Journal-ի փոխանցմաmb։ Կրեմլի խոսնակն ասել է, որ հստակ ընկալում առ այն, որ նման հանդիպում պետք է կայանա, կամ ինչ օրակարգով, դեռ չկա։ Սակայն բոլոր երեք կողմերն էլ ընդունում են, որ նման գագաթնաժողովի անցկացման տեսական անհրաժեշտությունը եւ հնարավորությունը կա։ Հնարավոր է, որ նման հանդիպում տեղի ունենա Ասիա-Խաղաղօվկիանոսյան տնտեսական համագործակցության կազմակերպության գագաթնաժողովի ժամանակ։
Եռակողմ հանդիպում անցկացնելու հարցը, ըստ ՌԴ նախագահ Յուրի Ուշակովի, քննարկվել է ՌԴ եւ Չինաստանի նախագահներ Վլադիմիր Պուտինի եւ Սի Ծինփինի՝ վերջին հանդիպման ժամանակ։ Ընթացիկ տարվա սեպտեմբերին, Կրեմլի խոսնակ Դմիտրի Պեսկովը հայտարարել էր նաեւ, որ ՌԴ եւ ԱՄՆ նախագահներ Պուտինն ու Թրամփը քննարկել են եռակողմ գագաթնաժողովի անցկացման հնարավորությունները՝ Չինաստանի մասնակցությամբ։ Նման բարձր մակարդակի միջոցառման անցկացման հարցն ակտուալ է։ Միաժամանակ, ԱՄՆ Պետքարտուղար Մարկո Ռուբիոյի հայտարարության համաձայն, Ասիա-Խաղաղօվկիանոսյան տնտեսական համագործակցության կազմակերպության գագաթնաժողովի ժամանակ Մոսկվա-Պեկին-Վաշինգտոն պետությունների առաջնորդների մակարդակով հանդիպման անցկացումը գտնվում է նախապատրաստական փուլում։ Ռուբիոն ասել է, որ բանակցություններն այդ օրակարգով տեղի են ունեցել։ Թե կոնկրետ ինչ պայմանավորվածություններ են ձեռք բերվել, պետքարտուղար Ռուբիոն չի բարձրաձայնել, սակայն ընդգծել է, որ նախագահ Թրամփը կարեւորում է բոլոր ջանքերի գործադրումը՝ Ռուսաստանի եւ Ուկրաինայի միջեւ հակամարտության դադարեցման համար։