Ստեփանավանցին իր քվեով ցույց կտա տեսանյութերով իրեն խաբելու բոլոր փորձերը դատապարտվելու են ձախողման. «Ուժեղ Հայաստան» կուսակցություն

Ստեփանավանցին իր քվեով ցույց կտա տեսանյութերով իրեն խաբելու բոլոր փորձերը դատապարտվելու են ձախողման. «Ուժեղ Հայաստան» կուսակցություն

Fri, 23 Oct 2026 12:28:35 +0400


Ի լրումն Արսեն Գևորգյանի փաստաբանական թիմի հայտարարության հայտնում ենք, որ հոկտեմբերի 25-ին կայանալիք ՏԻՄ ընտրություներից օրեր առաջ Ստեփանավանում ‹‹Ուժեղ Հայաստան››կուսակցության համայնքապետի թեկնածու Արսեն Գևորգյանին կալանավորելը հերթական հակաժողովրդավարական միջամտությունն է,ինչը մատնացույց է անում ՔՊ-ական իշխանության վախերը:

Ուշագրավ է, որ նման գործողություններով հերթական անգամ խախտվել են խորհրդարանական ընտրությունների հետ կապված Սահմանադրական դատարանի 2026 թվականի հուլիսի 4-ի որոշման պահանջները, ըստ որոնց, հանրային իշխանության ներկայացուցիչների կողմից անմեղության կանխավարկածի անտեսմամբ իրականացված գործողություններն ու հայտարարություններն անթույլատրելի են, հատկապես, ընտրությունների և դրան նախորդող ժամանակահատվածում:

Դրանք խաթարում են ազատ և արդար ընտրությունների սահմանադրական երաշխիքները, իսկ լրատվամիջոցներով և սոցիալական ցանցերով դրանց լուսաբանման եղանակներն ազդում են ընտրողների կամքի ձևավորման վրա:
Այս դիրքորոշումը բազմիցս էինք արձանագրել, բայց սա այլևս Սահմանադրական դատարանի պահանջ է, որը կոպտորեն խախտվել է:

Կարևոր է արձանագրել նաև, որ այսօր հրապարակված «Ուժեղ Հայաստան» կուսակցության Ստեփանավանի համայնքապետի թեկնածու Արսեն Գևորգյանի փաստաբանական թիմի հայտարարությունը ենթադրյալ գործի բացառման հիմքերն է պարունակում:

Խիստ մտահոգիչ և փաստացի հակաժողովրդավարական է իրավապահ մարﬕնների կողﬕց օպերատիվ հետախուզական ﬕջոցառման իրականացումը «Ուժեղ Հայաստան» կուսակցության Ստեփանավան համայնքի կենտրոնական գրասենյակում, որտեղ քննարկվել են քարոզարշավի ռազմավարական և մարտավարական բնույթի բազմաթիվ հարցեր:

Նման օպերատիվ հետախուզական ﬕջոցառման իրականացումը պետք է ունենար անհրաժեշտության շատ բարձր մակարդակ, ինչը տվյալ դեպքում բացակայում է:
Հիշեցնենք, որ արձանագրվել են դեպքեր, երբ իրավապահների գաղտնի տեսանյութը, կամ դրա բովանդակությունն իշխանաﬔրձ լրատվական կայքերում հայտնվել է ավելի վաղ, քան համապատասխան քննչական մարﬓի կայքում, կամ սոցիալական ցանցի էջում:

Դրանից ողջամտորեն կարելի է ենթադրել, որ հիշատակված օպերատիվ–հետախուզական ﬕջոցառման արդյունքները նախքան 2026 թվականի հոկտեմբերի 21-ի հանրայնացումը հասանելի են եղել իշխանական ուժի ներկայացուցիչներին, ինչով խաթարվել է նախընտրական քարոզարշավի ամբողջ էությունը:

Ընտրություններին ցանկացած միջամտություն` վարչական ռեսուրսի չարաշահում, սելեկտիվ հետապնդում, երկակի ստանդարտներ, հովանավորչություն, անմեղության կանխավարկածի նսեմացում, իսկ օրենքով սահմանված կարգով հաստատման դեպքում ընտրակաշառքի դեպքերն անընդունելի են: Միաժամանակ իրավապահների իրականացված ակնհայտ անհամաչափ ռեպրեսիվ գործողությունները հետապնդում են «Ուժեղ Հայաստան» կուսակցության անունն արատավորելու ﬕջոցով կիրակի կայանալիք ավագանու ընտրություններին առավելություն ստանալու նպատակ, սակայն առավել քան վստահ ենք, որ ստեփանավանցին իր քվեով ցույց կտա, որ այսպիսի տեսանյութերով իրեն խաբելու բոլոր փորձերը դատապարտվելու են ձախողման:

Հարգելի ստեփանավանցիներ, հոկտեմբերի 25-ին քվեարկեք հանուն փոփոխության:

Թույլ մի՛ տվեք, որ Ձեր քվեները գողացվեն:

«Ուժեղ Հայաստան» կուսակցություն

© 2026 Հրապարակ

Source: Hraparak

Hraparak.am

Recent Posts

Զելենսկին պահանջով դիմել է ԱՄՆ-ին

Զելենսկին պահանջով դիմել է ԱՄՆ-ին Mon, 16 Nov 2026 11:00:21 +0400 Starshield արբանյակային կապի տերմինալների…

11 րոպե ago

Նիկոլ Փ-ն օտար է յուրայինների մեջ և յուրային՝ օտարների մեջ

Նիկոլ Փ-ն օտար է յուրայինների մեջ և յուրային՝ օտարների մեջ Mon, 16 Nov 2026 10:46:49…

24 րոպե ago

Սոցցանցերում Ալիևի հաշիվները ենթարկվել են կիբերհարձակումների

Սոցցանցերում Ալիևի հաշիվները ենթարկվել են կիբերհարձակումների Mon, 16 Nov 2026 10:30:50 +0400 Սոցիալական ցանցերում Ադրբեջանի…

40 րոպե ago

Նսեմացվածը Հանրային հեռուստատեսությունն է

Նսեմացվածը Հանրային հեռուստատեսությունն է Mon, 16 Nov 2026 10:15:29 +0400 Իրավապաշտպան Ժաննա Ալեքսանյանը ֆեյսբուքյան իր…

56 րոպե ago

Այսօր Վալոդյա Գրիգորյանը կդառնար 43 տարեկան

Այսօր Վալոդյա Գրիգորյանը կդառնար 43 տարեկան Mon, 16 Nov 2026 10:01:00 +0400 Այսօր Վալոդյա Գրիգորյանը…

1 ժամ ago

Ձեր «Ելակային քաղաքականության» հետևանքները մարդիկ արդեն տեսել են

Ձեր «Ելակային քաղաքականության» հետևանքները մարդիկ արդեն տեսել են Mon, 16 Nov 2026 09:45:46 +0400 Սուրեն…

1 ժամ ago