«Լուսավոր Հայաստանը» մասնակցում է Նոյեմբերյանի ընտրություններին
Fri, 23 Oct 2026 21:45:03 +0400
«Լուսավոր Հայաստան» կուսակցությունը մասնակցելու է նոյեմբերի 29-ին կայանալիք Նոյեմբերյան համայնքի ավագանու ընտրություններին։ ԼՀԿ-ից Նոյեմբերյանի համայնքապետի թեկնածուն՝ Այրում քաղաքի բնակիչ,1987թ․ ծնված Նարեկ Սիրադեղյանը Ֆեյսբուքում տեքստ է հրապարակել, որտեղ գրել է․ «Ես և մեր թիմը որոշել ենք մասնակցել Նոյեմբերյան համայնքի ավագանու ընտրություններին։ Եվ ուզում եմ սկզբից հստակ ասել․ մենք չենք գալիս համակարգի մեջ տեղավորվելու։ Մենք գալիս ենք այդ համակարգը փոխելու»։
Նոյեմբերյանում նոյեմբերի 29-ին կայանալիք ընտրություններում հիմնական պայքարը լինելու է «Ապրելու երկիր» և «Քաղաքացիական պայմանագիր» կուսակցությունների միջև։ Նոյեմբերյան համայնքը 2021թ․ դեկտեմբերից ղեկավարող Արսեն Աղաբաբյանն «Ապրելու երկիր» կուսակցության անդամ է, այս անգամ եւս առաջադրվել է համայնքապետի թեկնածու։