Զանգվածային անկարգությունները հասան Բարսելոնա
Sun, 25 Oct 2026 13:00:59 +0400
Իսպանական Բարսելոնայում ոստիկանությունը մոտ հարյուր մարդ է ձերբակալել, ովքեր մասնակցել են զանգվածային անկարգություններին։ Դրանք ուղեկցվել են հրկիզումներով, իրավապահների հետ բախումներով եւ այլն։ Այս մասին հայտնում է EFE-ն։ Անկարգությունները սկսվել էին նախօրեի երեկոյան, երբ մի քանի երիտասարդներ հավաքվել էին քաղաքի կենտրոնում՝ սոցցանցերի միջոցով կազմակերպված բողոքի ակցիային մասնակցելու։ Մեծամասնաբար սեւ հագնված ցուցարարները բարիկադներ են կառուցել, իրականացրել հրկիզումներ, հարձակվել տարբեր օբյեկտների վրա, բախումներ ունեցել ոստիկանների հետ։ Իշխանությունները դատապարտել են տեղի ունեցածը։ Անկարգություններին մասնակցել է մոտ հինգ հարյուր մարդ։ Վնասվել է տասնչորս շենք եւ շինություն։ Անկարգությունների մասնակիցների մի մասը կարող են լինել անչափահասներ, մանրամասնել են տեղի ոստիկանությունից։ Իրավապահների հետ բախումների հետեւանքով տասը ոստիկան տուժել է։