Ցուցարարները հրկիզել են մայրաքաղաքի քաղաքապետարանը
Sun, 25 Oct 2026 21:30:44 +0400
Ալբանիայի մայրաքաղաք Տիրանայում նորից հակակառավարական բողոքի ցույցեր են, որոնք ուղեկցվում են իրավապահների հետ բախումներով։ Ցուցարարներն ուժայինների վրա նետում են տարբեր առարկաներ, քարեր, դյուրավառ նյութեր, իսկ իրավապահներն էլ ցուցարարների վրա՝ արցունքաբեր գազ եւ ջրցան մեքենաներ։ Ցուցարարները կարողացել են ներխուժել Տիրանայի քաղաքապետարանի շենք ու հրկիզել այն։ CNA-ի փոխանցմամբ՝ կրակը սկսվել է գլխավոր մուտքից եւ արագ տարածվել շենքի առաջին հարկով։ Քաղաքապետարանի շենքի մոտ հարյուրավոր ցուցարարներ են հավաքված։ Նրանք պահանջում են վարչապետ Էդի Ռամայի եւ գործող ողջ կառավարության հրաժարականը։