Կասեմ՝ ինչու սարքեցին այս միջադեպը
Thu, 29 Oct 2026 11:55:52 +0400
«Ուժեղ Հայաստան» խմբակցության պատգամավոր Մարիաննա Ղահրամանյանը Ազգային ժողովում տեղի ունեցած միջադեպի պատասխանատվությունը վերագրել է ԱԺ նախագահ Ռուբեն Ռուբինյանին՝ պնդելով, որ նա միտումնավոր չի հրավիրել անվտանգության աշխատակիցներին։
ԱԺ նիստերի դահլիճից հայտարարելով իր դիրքորոշումը՝ ընդդիմադիր պատգամավորը նշել է, որ Ռուբինյանը խրախուսել է Տարոն Չախոյանի վարքագիծը։ Նրա խոսքով՝ եթե նման իրավիճակում ամբիոնի մոտ լիներ ընդդիմադիր պատգամավոր, անվտանգության աշխատակիցներն անմիջապես կհրավիրվեին։
«Ռուբինյանն անհաղորդ դեմքով հետևում էր։ Իրենց պետք էր այս միջադեպը սադրել, իսկ գիտե՞ք՝ ինչու, որովհետև երեկ բացահայտվեց, որ Սյունիքով Ադրբեջանին ճանապարհ են հանձնել ու նույնիսկ չեն նշում կոորդինատները կամ չգիտեն, երևի իրենց շեֆը՝ Ալիևը, չի ասել»,- հայտարարել է Ղահրամանյանը։
Նրա համոզմամբ՝ խորհրդարանում տեղի ունեցածի ամբողջ պատասխանատվությունը կրում է Ռուբեն Ռուբինյանը։