Արյունոտ քիթ, ծեծկռտուք, շտապօգնության կանչ․ Le Figaro-ն անդրադարձել է ԱԺ երեկվա միջադեպին
Fri, 30 Oct 2026 12:37:23 +0400
Ֆրանսիական Le Figaro պարբերականը անդրադարձել է երեկ ՀՀ ԱԺ-ում տեղի ունեցած ծեծկռտուքին։ Հոդվածում հատուկ կերպով ընդգծված է, որ Հայաստանի վարչապետ Նիկոլ Փաշինյանը թեեւ դատապարտել է բռնությունը, սակայն հանդես է եկել նաեւ՝ ծեծկռտուքին մասնակցած իր կուսակիցների աջակցությամբ։
Ուշագրավ է այն, որ հոդվածում ասվում է, որ հոկտեմբերի 29-ին տեղի ունեցածը ՀՀ ԱԺ-ում՝ հերթական ծեծկռտուքն է եղել, որը տեղի է ունեցել պատգամավորների միջեւ։ Երեկվա միջադեպի հետեւանքով՝ մեկ ընդդիմադիր պատգամավորի մոտ քթի արյունահոսություն է եղել, եւ ստիպված են եղել շտապբուժօգնության բրիգադ հրավիրել։ Բախումը սկսվել է լեզվակռվից, որը հետո արդեն վերածվել է ծեծկռտուքի։