Հեծանիվ է քշում. չիմանա՞նք ինչ գումարներ են ծախսվում
Tue, 03 Nov 2026 12:22:48 +0400
ԱԺ-ում 2027 թվականի պետական բյուջեի քննարկման ժամանակ ընդդիմադիր պատգամավոր Էդգար Ղազարյանը շարունակեց հարցադրումները վարչապետի աշխատակազմի ղեկավար Լիլիթ Մակունցին՝ քննադատելով պատգամավորների հարցերին գրավոր պատասխաններ ստանալու առաջարկը։
Ղազարյանի խոսքով՝ բյուջեի քննարկման նպատակը հենց այն է, որ պատգամավորները տեղում ստանան անհրաժեշտ պարզաբանումները և կարողանան որոշել՝ արդյոք նպատակահարմար է առաջարկվող ծախսերին հավանություն տալը։
Նա, մասնավորապես, օրինակ բերեց վարչապետի հեծանվային նախասիրությունը՝ նշելով, որ պատգամավորները պետք է տեղեկացված լինեն, թե որքան գումար է նախատեսվում այդ նպատակով և որքանով է արդարացված պաշտոնյայի անձնական նախասիրությունների ֆինանսավորումը հանրային միջոցներով։
«Մենք պետք է այստեղ իմանանք այդ հարցերի պատասխանները, այլ ոչ թե դուք մեզ ուղղորդեք, թե ինչ եղանակով կարող ենք դրանք ստանալ»,– դիմելով Մակունցին՝ ասաց Ղազարյանը։