Թուրքիայում ստեղծվելու են ԱԹՍ-ների օդուղիներ
Mon, 09 Nov 2026 16:00:48 +0400
Թուրքիայի տրանսպորտի ու ենթակառուցվածքների նախարար Աբդուլքադիր Ուրալօղլուն հայտնել է, որ անօդաչու թռչող սարքերի (ԱԹՍ) օդուղի կստեղծվի։ Ըստ նախարարի՝ երկնքում կստեղծվեն թվային եղանակով սահմանված օդային ուղիներ։
Ուրալօղլուն նշել է, որ նման օդուղիների միջոցով հնարավոր կլինի կատարել բեռնափոխադրումներ, տեղափոխել բժշկական պարագաներ ու դեղորայք։ Թռիչքները կիրականացվեն Թուրքիայի քաղաքացիական ավիացիայի գլխավոր վարչության կողմից, հայտնում է Ermenihaber-ը։
ԱԹՍ-ների թռիչքների օդուղիները կմշակվեն արհեստական բանկանության միջոցով։ Հարկ եղած դեպքում հնարավոր կլինի սահմանափակել թռիչքների գոտիները, փոփոխել ուղիները, ապահովել սարքերի վայրէջքը կամ դադարեցնել թռիչքները։
Ըստ նախարարի՝ կապի ընդհատման դեպքում ԱԹՍ-ները կուղղորդվեն դեպի նախապես սահմանված վթարային վայրէջքի տարածքներ՝ առանց անցնելու բնակելի տարածքների վրայով։