Մանրամասներ՝ Արթուր Ալեքսանյանի հարսանեկան արարողությունից. լուսանկարներ
Mon, 09 Nov 2026 19:45:10 +0400
Օլիմպիական չեմպիոն, աշխարհի և Եվրոպայի բազմակի չեմպիոն, գյումրեցի ըմբիշ Արթուր Ալեքսանյանն ամուսնացել է։ Նրա հարսանեկան արարողությունը տեղի է ունեցել նոյեմբերի 8-ին՝ Կիպրոսի Լիմասոլ քաղաքում։
Ալեքսանյանը պսակադրվել է Սուրբ Գևորգ եկեղեցում։ Նրա ընտրյալը Անի անունով աղջիկ է, որը նույնպես Գյումրիից է։
Հարսանեկան արարողությունն ու տոնակատարությունն անցկացվել են նեղ շրջանակում՝ հարազատների, մտերիմների և ընկերների մասնակցությամբ։ Հյուրերի թվում եղել են նաև հայկական ըմբշամարտի անվանի ներկայացուցիչներ։
Երեկոյի ընթացքում հյուրերի համար ելույթ են ունեցել Karen Sevak Band-ը, Արկադի Դումիկյանը, Ռազմիկ Ամյանը և այլ երգիչներ։
Արթուր Ալեքսանյանի հարսանիքից կադրեր են հրապարակվել նաև սոցիալական ցանցերում։ Ըմբիշ Հայկ Մելիքյանը ևս տեսանյութեր է ներկայացրել արարողությունից։
Նշենք, որ Արթուր Ալեքսանյանը հոկտեմբերի 21-ին դարձել է 35 տարեկան։ Նա Ռիոյի 2016 թվականի Օլիմպիական խաղերի ոսկե մեդալակիր է, ինչպես նաև Տոկիոյի և Փարիզի Օլիմպիական խաղերի արծաթե մեդալակիր։
Հայաստանի ըմբշամարտի ֆեդերացիան ևս շնորհավորել է մարզիկին՝ մաղթելով երջանկություն և երկար տարիների համատե կյանք։