Իրանական տնտեսությունը կործանել հնարավոր չէ․ Հոսեյն Մոհեբի
Mon, 09 Nov 2026 20:00:42 +0400
Իրանի Իսլամական հեղափոխության պահապանների կորպուսը հայտարարել է, որ ամերիկյան «Երկաթե դարպասներ» պլանը չի կարողանա կործանման հասցնել իրանական տնտեսությունը։ Այս մասին հայտարարել է Կորպուսի ներկայացուցիչ Հոսեյն Մոհեբին, ըստ Fars լրատվական գործակալության փոխանցման։ Նա ասել է, որ «Երկաթե դարպասները» ընդամենը բառախաղ են եւ այդ ճանապարհով ամերիկացիները որեւէ արդյունքի հասնել չեն կարող՝ իրանական տնտեսությունը կործանման հասցնելու հարցում։ Մոհեբին նկատել է, որ ամերիկացիները հայտարարել էին, թե իրանական տնտեսությունը կփլուզվի երկու շաբաթում, սակայն նման բան տեղի չունեցավ։