Պակիստանը ցնցված էր 41-ամյա հեռուստահաղորդավարուհի Ռաբիա Ահսանի ողբերգական մահից: Լրագրողին գտել են սպանված՝ Ռավալպինդիում գտնվող իր տան ննջասենյակում: Նրա ամուսինը՝ Ահսան Թահիրը, սենյակում էր՝ ձեռքին ատրճանակ: Նա ձերբակալվել է, կնոջ մահվան հանգամանքները քննվում են:

Ողբերգությունը տեղի է ունեցել կիրակի՝ նոյեմբերի 8-ին: Ռաբիան, որն աշխատում էր պակիստանյան 92 News հեռուստաալիքում, տանն էր ամուսնու, մոր և քրոջ հետ: Ժամը 15:00-ի սահմաններում հարազատները լսել են կրակոցի ձայն ննջասենյակից:

Լրագրողի քույրը շտապել է սենյակ և հայտնաբերել սարսափելի տեսարան. Ռաբիան ընկած էր գետնին՝ արյան մեջ, իսկ ամուսինը՝ մոտակայքում՝ ատրճանակով: