Գերեզմանատան պահակը սաստել է Պենտագոնի ղեկավարին ծիծաղելու և աղմկելու համար
Thu, 12 Nov 2026 13:30:59 +0400
ԱՄՆ-ում Արլինգտոնի ազգային գերեզմանատանը Վետերանների օրվան նվիրված արարողություն է տեղի ունեցել։
Արարողությունից հետո Պենտագոնի ղեկավար Փիթ Հեգսեթը կնոջ և խորհրդականների հետ լուսանկարվել է ռազմական հուշահամալիրի մոտ, ապա սկսել բարձր խոսել ու ծիծաղել։
Ինչպես հայտնում են ամերիկյան լրատվամիջոցները, 3-րդ հետևակային գնդի զինծառայողը խմբից պահանջել է լռություն պահպանել։
«Բոլոր այցելուները պարտավոր են պահպանել լռության և հարգանքի մթնոլորտ ցանկացած ժամանակ», – խստորեն հայտարարել է պահակը` դիմելով նախարարին և նրա խմբին։
Նշենք, որ հատուկ զինվորական գերեզմանատունը գտնվում է Արլինգտոնում՝ Վաշինգտոնի արվարձանում։
Գերեզմանատան տարածքում պատերազմների մասնակիցներ, նախագահներ, Գերագույն դատարանի նախագահներ ու տիեզերագնացներ են թաղված։