Հանրապետականներ Ջեյ Դի Վենսը և Մարկո Ռուբիոն (երկրի փոխնախագահ և պետքարտուղար համապատասխանաբար – խմբ․), ինչպես նաև դեմոկրատներ Ջոն Օսոֆը և Փիթ Բուտիջիգը 2028 թվականի ԱՄՆ նախագահական ընտրությունների հիմնական հավանական թեկնածուներն են։

Reuters-ի հարցման համաձայն, հարցմանը մասնակցած Հանրապետական ​​կուսակցության կողմնակիցների մոտ 45%-ը ԱՄՆ պետքարտուղար Մարկո Ռուբիոյին անվանել է նախագահի «գերազանց» թեկնածու։ Հանրապետականների 43 տոկոսը նույն կարծիքին է եղել փոխնախագահ Ջեյ Դի Վենսի մասին։

Ոչ մի կուսակցություն դեռևս պաշտոնապես չի սկսել նախապատրաստվել նախագահական քարոզարշավին, իսկ 2028 թվականի նախնական ընտրություններին մեկ տարուց ավելի ժամանակ կա։ Այս ընթացքում կարող են ի հայտ գալ նոր թեկնածուներ, իսկ ընտրողների նախասիրությունները կարող են փոխվել։

Դեմոկրատների շրջանում տրանսպորտի նախկին նախարար Փիթ Բուտիջիգը և Ջորջիա նահանգի սենատոր Ջոն Օսոֆը ստացել են այս գնահատականը իրենց կուսակցության կողմնակիցների 29%-ից։

Հանրապետականները բաժանված են այն հարցում, թե արդյո՞ք ապագա թեկնածուն պետք է հեռանա ներկայիս նախագահ Դոնալդ Թրամփի քաղաքականությունից, թե շարունակի այն։

Թրամփն ավելի վաղ իր դաշնակիցներին հարցրել էր, թե երկու հավանական իրավահաջորդներից որին են նախընտրում՝ Վենսին, թե Ռուբիոյին։ CBS-ի «60 րոպե» հաղորդմանը տված հարցազրույցում նա նշել է, որ հանրապետական ​​նախնական ընտրություններում անվերապահորեն չի աջակցի որևէ թեկնածուի։