Ալ Կապոնե, կամ՝ ինչպես են հայերը հաղթահարում քրեական ենթամշակույթը

Ալ Կապոնե, կամ՝ ինչպես են հայերը հաղթահարում քրեական ենթամշակույթը

Tue, 17 Nov 2026 18:45:09 +0400


Ես, կարծես, հասկացել եմ, թե որտեղ կարելի է դաս տալ ՔՊ-շնիկներին: Փողոցում շատ թե քիչ ազդեցիկ ՔՊ-շնիկ փնտրելն անիմաստ զբաղմունք է դարձել: Չկան… Բեսեդկա չեն իջնում, բակում չեն երեւում, տրանսպորտի կանգառներից չեն օգտվում… Ասես՝ այս հասարակության անդամ չեն իրենք: Տնաշեններ, ընտրությունները երեկ են ավարտվել, 725 հազար մարդ ձեզ քվե է տվել, ո՞ւր եք, ինչո՞ւ եք վախենում մարդամեջ դուրս գալուց: Ավելին ասեմ: Նկատել եմ, որ Նիկոլ Փաշինյանի էսկորտից բացի, Երեւան քաղաքում ուրիշ շարասյուներ էլ են երթեւեկում: Ո՞ւմ շարասյուներն են դրանք, ո՞վ է թաքնված ուստիկանության ուղեկցությամբ տեղաշարժվող ավտոմեքենաների մեջ՝ ոչ ոք չգիտի: Ամեն ծռտի պաշտոնյայի համար փողոց են փակում: Ուզում ես կանաչ լույսով անցնել՝ պարեկը շվիշտոկով հարձակվում է վրադ, կանգնեցնում, որ մի բիրդան աղայի «Մերսեդեսն» ու ուղեկցող ոստիկանական մեքենաներն անցնեն: Էս ի՞նչ նախկին բարքեր են, այ մարդ… Բողոքում ես, որ սա երթեւեկություն չէ, էշի հարսանիք է, Նիկոլն էնտեղից, թե բա՝ մենք ոնց ասենք, այդպես եք քշելու: Այ քեզ հետաքրքիր բան: Երեւում է, չէ՞, որ այս մարդը, տանը նստած, վարորդական իրավունքը բերել տվել են ձեռքը: Բայց շատ էլ կանգ չառնենք այս խնդրի վրա, որովհետեւ դրանով, մեր բախտից, սկսել է զբաղվել վարչապետի տիկինը, եւ, հնարավոր է, ինչպես իր մյուս նախաձեռնությունները, նա այս նախաձեռնությունն էլ հասցնի իր տրամաբանական ավարտին: Նիկոլը հո չի՞ կարող նրան հակադարձել՝ ոնց ասեմ, տենց էլ քշելու ես: Ինչեւէ…

Մեր խնդիրն այլ է՝ ինչպե՞ս եւ որտե՞ղ ՔՊ-շնիկ գտնել եւ դաստիարակել: ԱԺ-ում, օրինակ, դրանցից շատ կա: Աչքիս տեսածն եմ ասում… Նրանց նույնիսկ պետք չէ սադրել, իրենք իրենցով արդեն սադրված են: Իմացել են, որ իրենց սրտի դատախազը քրեական վարույթ է հարուցել նախորդ մեծ միջադեպի կապակցությամբ, արդեն խառնվել են իրար: Էն թոշակի Արսենն ասել է՝ դե գիտեք ինչ, ԱԺ-ն այն վայրն է, որտեղ քաղաքական վեճեր կարող են տեղի ունենալ: Իբր հայտնագործություն, էլի… ԱԺ-ն այն վա՞յրն է, որտեղ իշխանական պատգամավորները, տեսնելով, որ ընդդիմությունն իրենց նեղում է, սկսում են աթոռները պոկել ու շպրտել ընդդիմության վրա: Ու էսքան բանից հետո էլ տալիս ես մի իշխանավորի «աշկին», հավարը դնում են վարչապետին, թե՝ Նիկոլ ջան, մի բան արա: Խեղճ Նիկոլն ի՞նչ անի ձեզ համար, այ քամուց քշվածներ, մեկը լինի՝ Նիկոլի համար անի, իր խայտառակությունները ծածկի: Էն հիմար բրոշկան, որ կպցրել է դոշին, խայտառակություն չէ՞: Կպցրել է ու չգիտի՝ ինչպես ազատվել այդ խայտառակությունից: Բա բանանը, բա Կամբոջայում վզին գցած, շատ ներողություն, «սրբազան կովի» վզնոցը: Հիմա էս մարդն ինչպե՞ս Վահագն Ալեքսանյանին ասի՝ քեզ մարդու պես պահիր…

Օրերս պարզվեց, որ ՔՊ-շնիկների որոշակի քանակություն կա նաեւ «Պետրոս TV-ում», այսպես կոչված՝ Հանրային հեռուստատեսությունում: Ի՞նչ են անում սրանք: Ուրեմն նախապես պայմանավորվում են, բանավեճի են հրավիրում որեւէ ընդդիմադիր գործչի ու «գլխին սարքում»: Թե բա՝ Բորիս Մուրազին չափն անցավ ու հենց ուղիղ եթերում դաս տվեց (ծեծեց) մեր Հարություն Մկրտչյանին: Է հա, ձեզ դաս տալ կարելի է միայն ուղիղ եթերում, որովհետեւ դուք ուրիշ տեղերում՝ բակերում, բեսեդկաներում, ավտոբուսի կանգառներում, մետրոյում չեք լինում: Ամեն մեկդ 4-5 ավտոյով եք երթեւեկում: Ձեր էլիտար տների պատշգամբներն էլ որ չլինեն, մաքուր օդից էլ կկտրվեք: ՔՊ-շնիկ Հարություն Մկրտչյանին ես ուղղակի կհորդորեի այս «միջադեպի» կապակցությամբ Նիկոլին կամ ՔՊ խորհրդին չդիմել: Դատախազը նաղդ գործ հարուցող է, իսկ դրանից հետո (ինչն է շա՞տ՝ կալանք տվող դատավորը) գալիս է Սրբուհի Գալյանն ու իր հաստատություններից մի «լյուքս» սենյակ տրամադրում քեզ: Հասկացա՞նք իրար, պարոն խայտառակված քաղաքագետ:

ՔՊ-շնիկների հավաքատեղիներ էլի կան: Կառավարությունը, օրինակ, կառավարական շենքերը, քաղաքապետարանները, համայնքապետարանները, մարզպետարանները: Շունը պոչը շարժում է՝ ՔՊ-շնիկի է դիպչում: Տեղ կա, որ կարող ես, առանց մտածելու, ինչքան ուժ ունես՝ ինքնապաշտպանվես: Ոչինչ, թող քեզ ծեծեն, բայց «զատո՞» կհասցնես մի երկուսի աչքի տակ «ֆանառ» թողնել: Տեսնեմ՝ ում են բողոքելու: Հիմա սրանք Նիկոլից ավելի շատ են վախենում, քան ընդդիմադիրներից: Անցել են այն ժամանակները, երբ Նիկոլն ասում էր՝ լավ եք արել, ափսոս՝ քիչ եք ծեծել ընդդիմությանը: Ի դեպ, ԱԺ-ի միջադեպի հետ կապված քրգործում Նիկոլի դրվագն էլ կա: Բա ի՞նչ էիք կարծում… Ձեզ թվում է՝ ԱԺ ՔՊ-ական բիոմասսան էդքան դուխ կունենար, որ աթոռնե՞ր պոկեր:

Օրերս մի ՔՊ-շնիկ դուրսպրծուկ ընդդիմադիր լրագրողների լուսանկարներից կոլաժ էր սարքել եւ աղտեղություն գրել բոլորի հասցեին: Դա, իհարկե, «նորմալ» է ՔՊ-շնիկի համար, բայց այդ դուռակը ավելի հեռուն էր գնացել: Նա դիպուկահարի ուղղորդող կարմիր կետեր էր պատկերել լրագրողների ճակատին՝ հասկացնելով, թե այդ լրագրողներին «պետք է գյուլլել», որպեսզի իշխանություններին չվատաբանեն: Հիմա, եթե Նիկոլն այս դուռակին վաղը չկախի հրապարակում, ստիպված եմ լինելու մտածել, որ հենց ինքն է այս ամենի հեղինակը: Պարոն Փաշինյան, կա՛մ դու տիրություն արա լակոտներիդ, կա՛մ էլ թող՝ մենք տիրություն անենք:

ՀԳ. Ամերիկացի հանրահռչակ գանգստեր Ալ Կապոնեն մի առիթով ասել է. «A bullet changes a lot in your head, even if it hits in the ass» (Գնդակը շատ բան է փոխում գլխումդ, նույնիսկ եթե դիպչում է հետույքիդ»)։ Նիկոլին կամ որեւէ ՔՊ-շնիկի հատուկ վախեցնելու միտք չունեմ, Ալ Կապոնեն սա բոլորի համար է ասել, նույնիսկ չափից ավելի վնգստացող դատավորների:

© 2026 Հրապարակ

Source: Hraparak

Hraparak.am

Recent Posts

Եկեք գնանք ժողովրդին հարցնենք, էլ մնացածը էս ի՞նչ կապիկություն ա

Եկեք գնանք ժողովրդին հարցնենք, էլ մնացածը էս ի՞նչ կապիկություն ա Wed, 18 Nov 2026 20:36:29…

6 րոպե ago

Սերգեյ Լավրովը հեգնել է Բորիս Ջոնսոնին

Սերգեյ Լավրովը հեգնել է Բորիս Ջոնսոնին Wed, 18 Nov 2026 20:30:42 +0400 Ռուսաստանի ԱԳ նախարար…

12 րոպե ago

Ես ձեզ երաշխավորում եմ, որ էսօր պատերազմը սկսած էր լինելու, եթե ընդդիմությունը իշխանության լիներ

Ես ձեզ երաշխավորում եմ, որ էսօր պատերազմը սկսած էր լինելու, եթե ընդդիմությունը իշխանության լիներ Wed,…

13 րոպե ago

Տիկին Գալյան, դուք անիմաստ ինքնավստահություն ունեք, իրավիճակին չեք տիրապետում

Տիկին Գալյան, դուք անիմաստ ինքնավստահություն ունեք, իրավիճակին չեք տիրապետում Wed, 18 Nov 2026 20:18:39 +0400…

24 րոպե ago

Ղարաբաղը բիզնես էր, լափամանից փայ եք ունեցել, կտրվել եք, դրա համար եք մրմռում եք

Ղարաբաղը բիզնես էր, լափամանից փայ եք ունեցել, կտրվել եք, դրա համար եք մրմռում եք Wed,…

25 րոպե ago

Երկու փեսացուի արանքում հայտնված հարս չես, կողմնորոշվի՛ր․․․

Երկու փեսացուի արանքում հայտնված հարս չես, կողմնորոշվի՛ր․․․ Wed, 18 Nov 2026 20:15:55 +0400 ՀՀ էկոնոմիկայի…

27 րոպե ago