Վեպ՝ մարդ մնալու իրավունքի մասին

Վեպ՝ մարդ մնալու իրավունքի մասին

Tue, 17 Nov 2026 21:00:27 +0400


Սոնա Աբգարյանի «Եվա» վեպը, հրատարակված 2023-ին՝ Լիլիթ Մելիքսեթյանի թարգմանությամբ, համադրում է պատերազմական ֆենթեզին, առակաբանությունը, պատերազմի, վրիժառության, հատուցման, արդարության եւ մարդկային էության մասին մտորումները։ Սյուժեի հետեւում մեր պատմության իրական դեպքերն են։

Իրադարձությունները ծավալվում են պայմանական քաղաքում, որը Երեւանն է հիշեցնում։ Դաժան քաղաքացիական պատերազմ է ընթանում «Գերբերների» եւ «Վարսաբիրների» միջեւ։ Գլխավոր հերոսուհին Եվան է։ Նա ծանր պարտությունից եւ իր բանակը կորցնելուց հետո ուշքի է գալիս, սակայն կորցրած է լինում հիշողությունները։ Աստիճանաբար վերականգնում է հիշողությունը եւ նորից պայքարի մեջ մտնում դաժան տիրակալ Գերբեր 4-րդի եւ նրա կլանի դեմ։ Վեպը լի է անսովոր կերպարներով, ֆանտաստիկ պատկերներով։ Հերոսուհու կողքին իմաստուն Տատիկն է, առեղծվածային Դեւը, Մարդ-Ամպհովանին եւ կռվող կանանց բանակը։ Հերոսուհին մոգական ուժի է տիրապետում, սակայն այս ֆանտաստիկայի հետեւում բռնության, անմեղ մարդկանց զոհվելու եւ արդարությունը վերականգնելու պատմությունն է։ Հեղինակը չարի եւ բարու պարզ բաժանարար գիծ չի տանում։ Եվան պայքարում է հանուն իրավազուրկների եւ ճնշվածների, սակայն աստիճանաբար հասկանում է, որ ինքն է դառնում մահվան ու բռնության աղբյուր։ Նրա առաջ ծառանում են բարդ բարոյական հարցեր․ կարելի՞ է սպանել հանուն արդարության, արդարացվա՞ծ է ինքնադատաստանը, եւ մարդն իրավասո՞ւ է զոհել այլոց կյանքը՝ հանուն վեհ նպատակի։ Եվայի դաստիարակ Հովիվ Հարությունը նրան հիշեցնում է, որ նույնիսկ այլոց կյանքերի փրկության համար սպանությունը շարունակում է մնալ սպանություն։ Դա է վեպի գլխավոր իմաստը։ Չարի դեմ պայքարը չպետք է մարդուն զրկի մարդկային դեմքից։ Պատահական չէ, որ վեպի հերոսուհին, որ գրեթե գերբնական կարողություններ ունի, ասում է, որ ուզում է մարդ մնալ։ Սոնա Աբգարյանը ծնունդով Բերդ քաղաքից է։ Նա պատերազմ է վերապրել։ Վեպը ոչ այնքան ֆանտաստիկ պատմություն է, որքան հավաքական հիշողության, ապրած տրավմայի եւ մարդկային կյանքի իմաստավորում։ Այն կինեմատոգրաֆիական շարադրանք ունի՝ կարճ գլուխներ, կինոտեսարաններ։ Պատկերազարդումը հեղինակինն է։

© 2026 Հրապարակ

Source: Hraparak

Hraparak.am

Recent Posts

«Կապի՞կ ես` բանանը ձեռքդ ֆռֆռում ես», «Ուրախ ես` նոր երկրներ տեսնելու համար, բայց դարձել ես ծաղրի առարկա».քոմենթներ

«Կապի՞կ ես` բանանը ձեռքդ ֆռֆռում ես», «Ուրախ ես` նոր երկրներ տեսնելու համար, բայց դարձել ես…

8 րոպե ago

Արսենի մահը սպանություն էր կալանավայրում. Անդրանիկ Գևորգյան

Արսենի մահը սպանություն էր կալանավայրում. Անդրանիկ Գևորգյան Tue, 17 Nov 2026 21:12:29 +0400 Latest news…

12 րոպե ago

Ամուսնու համերգին դժվարությամբ է տեղաշարժվել

Ամուսնու համերգին դժվարությամբ է տեղաշարժվել Tue, 17 Nov 2026 20:55:02 +0400 77-ամյա ռուս հայտնի երգչուհի…

29 րոպե ago

Մահացել է ՀՀ ժողովրդական արտիստ Հակոբ Ազիզյանը

Մահացել է ՀՀ ժողովրդական արտիստ Հակոբ Ազիզյանը Tue, 17 Nov 2026 20:52:53 +0400 Խոր ցավով…

31 րոպե ago

Թեյլոր Սվիֆթը կրկնել է ռեկորդը․ 5 ալբոմ անընդմեջ՝ «Գրեմմիի» գլխավոր պայքարում

Թեյլոր Սվիֆթը կրկնել է ռեկորդը․ 5 ալբոմ անընդմեջ՝ «Գրեմմիի» գլխավոր պայքարում Tue, 17 Nov 2026…

32 րոպե ago

Նախկինում իշխանության որեւէ ներկայացուցիչ նման բան ասեր՝ միանգամից ԵՄ դեսպանից զանգ կստանար

Նախկինում իշխանության որեւէ ներկայացուցիչ նման բան ասեր՝ միանգամից ԵՄ դեսպանից զանգ կստանար Tue, 17 Nov…

39 րոպե ago