«Հրապարակ». Դպրոցը որոշել են լուծարել. ծնողները դեմ են

«Հրապարակ». Դպրոցը որոշել են լուծարել. ծնողները դեմ են

Wed, 18 Nov 2026 11:45:44 +0400


Կառավարության որոշմամբ, դեռ տարիներ առաջ հայտարարվեց, որ 100-ից պակաս աշակերտ ունեցող դպրոցները պետք է միավորվեն, իրենց լեզվով ասած` օպտիմալացվեն: Բայց հասարակությունն արձանագրեց, որ հանրապետությունում մոտ 230 դպրոց է փակվում, հիմնականում` սահմանամերձ համայնքներում: Մարդիկ պայքարեցին, սկսեցին ապացուցել, որ համայնքը եթե դպրոց չունի, կարճ ժամանակում մեռնում է, սահմանամերձ գյուղերը պետք է զարգացնել, ոչ թե մահվան դատապարտել, բայց՝ ապարդյուն: Համաձայն պաշտոնական ցուցանիշների, փակվող դպրոցների քանակով առաջին տեղում Սյունիքն է, որտեղ դպրոցների 2/3-ը մինչեւ 100 աշակերտ ունի: Նախատեսված 232 դպրոցներից 48-ն էլ Շիրակի մարզում են, որտեղ քիչ չեն նաեւ սահմանամերձ գյուղերի դպրոցները, որոնք, ըստ էության, կազդարարեն գյուղերի կործանումը։ Առանց այն էլ բնակչությունը կենտրոնացած է Երեւանում եւ հարակից շրջաններում, մարզերը դատարկվում են, դպրոցների միավորումից հետո գյուղերը կարող են ընդհանրապես դատարկվել: Բայց աղետալի վիճակը միայն սահմանամերձ համայնքներում չէ:

Արագածոտնի մարզի Գետափ գյուղի միջնակարգ դպրոցի ծնողկոմիտեի նախագահ Աշոտ Եղոյանը «Հրապարակի» հետ զրույցում պատմեց, որ Գետափի դպրոցը նույնպես ԿԳՄՍ նախարարությունը որոշել է լուծարել, իսկ դպրոցի 13 աշակերտները ստիպված են լինելու 9,5 կիլոմետր հեռավորության վրա գտնվող Արագած գյուղի դպրոց հաճախել: Ողջ գյուղն արդեն քանի ամիս է՝ պայքարում է դպրոցի փակման դեմ:

«Դպրոցն ուզում են փակել, բայց գյուղից ոչ մեկը համաձայն չէ այդ որոշման հետ: 9,5 կիլոմետր հեռավորության վրա Արագածի դպրոցն են որպես այլընտրանք առաջարկում, բայց այն բավականին հեռու է: Դիմել ենք ԿԳՄՍ նախարարություն, Մարդու իրավունքների պաշտպանի գրասենյակ, բայց ոչ մի տեղաշարժ չկա, սառած վիճակ է: Թեպետ դպրոցում աշակերտների թիվը քիչ է` 13 աշակերտ է ընդամենը, բայց դա չափանիշ չէ, չի կարելի դրանով առաջնորդվել: Կարեւորը՝ դպրոցում դասարաններ կան: Երկու ամիս առաջ մեզ հավաքեցին գյուղում՝ իբր համայնքապետին ճանաչելու համար, սակայն մեզ համոզում էին, որ դպրոցը պետք է փակել: Իհարկե, ոչ ոք չհամաձայնեց դրան, բոլորը դեմ էին, բայց նախարարությունն իր միտքը չի փոխում: Արդեն իսկ ավտոբուսը տրամադրել են` երեխաներին տեղափոխելու համար, բայց այն դեռ Արագածում կանգնած է»,- ասաց Աշոտ Եղոյանը:

© 2026 Հրապարակ

Source: Hraparak

Hraparak.am

Recent Posts

Ինքնիշխանության կորստի ավելի վատ օրինակ կա՞, քան երկրիդ ծննդականը հակառակորդի ցուցումով փոխելը

Ինքնիշխանության կորստի ավելի վատ օրինակ կա՞, քան երկրիդ ծննդականը հակառակորդի ցուցումով փոխելը Wed, 18 Nov…

12 րոպե ago

«Հրապարակ». Եթե մարդը խելագար չէ, կանի՞ նման բան` ինչ-որ նպատակի համար, եթե նպատակն էլ չկա

«Հրապարակ». Եթե մարդը խելագար չէ, կանի՞ նման բան` ինչ-որ նպատակի համար, եթե նպատակն էլ չկա…

12 րոպե ago

Իրանը հարվածներ է ամերիկյան ավիաբազաներին

Իրանը հարվածներ է ամերիկյան ավիաբազաներին Wed, 18 Nov 2026 12:00:39 +0400 Իրանը հայտնել է, որ…

27 րոպե ago

Ֆինանսների նախարարը Նարեկ Կարապետյանի երկու հարցին էլ չկարողացավ պատասխանել

Ֆինանսների նախարարը Նարեկ Կարապետյանի երկու հարցին էլ չկարողացավ պատասխանել Wed, 18 Nov 2026 11:49:46 +0400…

38 րոպե ago

Հայաստանի թշնամիները երբեք գոհ չեն լինի. նրանք շարունակելու են նորանոր զիջումներ պահանջել

Հայաստանի թշնամիները երբեք գոհ չեն լինի. նրանք շարունակելու են նորանոր զիջումներ պահանջել Wed, 18 Nov…

39 րոպե ago

Ակցիայի մասնակիցները բանան թողեցին վարչապետին

Ակցիայի մասնակիցները բանան թողեցին վարչապետին Wed, 18 Nov 2026 11:45:36 +0400 Latest news from Հրապարակ…

42 րոպե ago