Ժաննա Անդրեասյանը նոր պատերազմ է սկսել

Ժաննա Անդրեասյանը նոր պատերազմ է սկսել

Thu, 19 Nov 2026 11:00:16 +0400


Ժաննան ու պատերազմը, Նիկոլն ու բանանը

Ժաննա Անդրեասյանը նոր պատերազմ է սկսել… Առայժմ անտեսանելի, բայց երաշխավորված աղետալի հետևանքներով: Այդ պատերազմը նոր սերնդի հոգիներն ու միտքը զավթելու համար է՝ վերջիններիս էժան ճանապարհով հավաքագրելու և մոտակա տասնամյակների ընթացքում ՔՊ-ի վերարտադրման համար համակիրների նոր բանակ ապահովելու նպատակով: Թիրախում ավագ դպրոցի սաներն ու ուսանողներն են:

Այդ պատերազմը սկսել են բոլոր ՔՊ-ական հանցագործները. Նիկոլը, Արարատ Միրզոյանը, Արայիկ Հարությունյանը և մյուսները տարբեր հարթակներում և դահլիճներում մատաղ սերնդի ներկայացուցիչների հետ հանդիպում-քննարկումներ են կազմակերպում, վերջում պարտադիր խմբակային լուսանկարի հրապարակմամբ:

Ժաննա Անդրեասյանի պատերազմը մատղաշ հոգիներ փախցնելու ուղղությամբ միայն այլանդակ ու անգրագետ բովանդակությամբ դասագրքերով չի որ տարվում է: Որևէ մեկդ չե՞ք հարցրել, թե ինչու չորս տարի շարունակ, ունենալով բավարար ֆինանսական միջոցներ, ՔՊ-ական խունտան ավերակների մեջ է պահում Հովհաննես Թումանյանի տուն-թանգարանը:

Հարգելի´ ծնողներ ու ուսուցիչներ, սրանց նպատակը հեռահար հավաքագրումն ու իրենց հպատակ նոր սերունդներին նախորդների հետ ունեցած արժեհամակարգային կապից անջատելն է: Թումանյանական ժառանգությունը՝ ոտանավորները, հեքիաթները, նրա՝ որպես հասարակական ու ազգային գործչի կերպարը, այլևս անցանկալի է դիտվում: Թումանյանին փոխարինելու են եկել դինովազքերը՝ անառակների մասնակցությամբ, ֆեստիվառներն ու փարչակաֆեստերը, հեծանվավազքերն ու տարատեսակ էժան ցնծությունները:
Թումանյանի տուն-թանգարանը վերագործարկելու համար գումար չի գտնվում, ճիշտ այնքան գումար, որքան պետական պահուստային ֆոնդից ծախսեցին կեղծ դռան փեղկը գնելու ու խայտառակվելու համար: ԿԳՄՍ-ի այլասերված գործելաոճը դրսևորվեց նաև միտումնավոր կերպով Թումանյանի տուն-թանգարանի տնօրեն ու լավագույն թումանյանագետ Անի Եղիազարյանին շինծու մեղադրանքով աշխատանքից հեռացնելու տեսքով: Դա նույնպես հաշվենկատորեն արեց Ժաննա Անդրեասյանը:

ԿԳՄՍ-ն ու Ժաննա Անդրեասյանը ՔՊ-ական հակահիգիենիկ կենցաղն ու բարքերը արագորեն ներմուծում են կրթական ոլորտ և, դատելով Հանրային հեռուստատեսության եթերից, մայրաքաղաքի ու մարզերի բազմաթիվ դպրոցների պատերին ջանասիրաբար տարածում են Նիկոլ Փաշինյանի «դարակազմիկ» ֆեյսբուքյան գրառումները ՝ «արևը ծագում է, մարդիկ շոգում են» պարզունակ մտազեղումների տեսքով:

Հարգելի´ ծնողներ և ուսուցիչներ,

Մ´ի վերածվեք պասիվ ու անտարբեր դիտորդների, երբ Ձեր զավակներին ու սաներին վերածում են մոտալուտ քաղաքական հաշվարկների էժան միջոցի, մի´ թույլ տվեք, որ դպրոցի պատերին հայտնվեն բացահայտ լպիրշ ու անդաստիարակ կենցաղ գովազդող գործակալների մտքերն ու դպրոցը վերածվի քաղաքական կեղտոտ հաշվարկների փորձադաշտի:
Խնդրում եմ ուղարկեք Ձեր երեխաների դպրոցի պատերին փակցված այս էժանագին մտքերով լուսանկարները, նշեք դպրոցը, տնօրենի անունը, ազգանունը և կցեք նրա լուսանկարը:
Բոլոր անսկզբունքային կամակատարների ինքնությունը հանրայնացվելու է ու ոչ ոք չի խուսափի պատասխանատվությունից:

Հայկ Դեմոյան

© 2026 Հրապարակ

Source: Hraparak

Hraparak.am

Recent Posts

«Հրապարակ». Մտավախություն ունենք, որ մահացածների փոխարեն կքվեարկեն

«Հրապարակ». Մտավախություն ունենք, որ մահացածների փոխարեն կքվեարկեն Thu, 19 Nov 2026 12:15:03 +0400 Նոյեմբերի 14-ին…

22 րոպե ago

Ադրբեջանում երկրաշարժ է գրանցվել

Ադրբեջանում երկրաշարժ է գրանցվել Thu, 19 Nov 2026 12:00:50 +0400 Ադրբեջանում․ Շիրվան կայարանից 32 կմ…

36 րոպե ago

Ղրիմի կամուրջը փակվել է հարձակումից հետո

Ղրիմի կամուրջը փակվել է հարձակումից հետո Thu, 19 Nov 2026 12:00:18 +0400 Ղրիմի կամրջի երթևեկությունը…

36 րոպե ago

«Հրապարակ». Դու ի՞նչ կապ ունես մեր մանկապարտեզի հետ

«Հրապարակ». Դու ի՞նչ կապ ունես մեր մանկապարտեզի հետ Thu, 19 Nov 2026 11:45:38 +0400 Նոյեմբերի…

51 րոպե ago

Ողբերգական դեպք` Արմավիրում. փեսան սպանել է աներձագին

Ողբերգական դեպք` Արմավիրում. փեսան սպանել է աներձագին Thu, 19 Nov 2026 11:44:57 +0400 Արմավիրի մարզի…

52 րոպե ago

Պուտինի ավտոշարասյունը մեծ իրարանցում է առաջացրել

Պուտինի ավտոշարասյունը մեծ իրարանցում է առաջացրել Thu, 19 Nov 2026 11:30:09 +0400 Ռուսաստանի նախագահ Վլադիմիր…

1 ժամ ago