Խնդրում է իրեն հեռացնել՝ չեն հեռացնում․ ինչու՞․․․

Խնդրում է իրեն հեռացնել՝ չեն հեռացնում․ ինչու՞․․․

Thu, 19 Nov 2026 14:15:42 +0400


Այնպես էլ կրքոտ է ասում՝ հեռացրե՜ք ինձ։ Դե ասել է, չէ՞, որ կրքոտ հռետոր է։ Ասում է՝ թողե՜ք ավարտեմ ծրագիրս, հորով մորով անեմ, հետո հեռացրեք ինձ։ Խոստացել եմ, ո՞նց կարող է՝ խոսքս չկատարեմ։ Համաձայնվում եք Սահմանադրության փոփոխությանը, TRIPP-ը բացում ենք, էդ բարդ հատվածները սահմանազատում ենք, ես թողում եմ, գնամ։ Ու այդ ամբողջությունն անվանում է «ինստիտուցիոնալ խաղաղություն»։ Պեպոյին ասում էին՝ բարաթն ու՞ր է․․․ Անգամ իմանալով, որ նա ճիշտ է, առանց բարաթի գործ չէին բռնում։ Հիմա էս մարդը Արցախը հանձնել, Հայաստանը մասնատել, հակառակորդին բերել, մեր հողում նստեցրել է ու առանց խաղաղության բարաթի եկել ու ասում է՝ թողեք ծրագիրս ավարտեմ, որ թողնեն՝ հեռանամ․․․

Փաշինյանի՝ իրեն հեռացնելու խնդրանք- աղաչանքին ինչու՞ անձնատուր չի լինում ընդդիմությունը, ժողովուրդը։ Ինչու՞ժողովրդին փողոց չի հանում և ասում՝ ժողովուրդ ջան էդ մարդը, որ այդքան ուզում է հեռացնեն իրեն, գնացեք հեռացրեք։ Չի անում, որովհետև հասկանում է՝ Փաշինյանի հեռացման հարցը Հայաստանի ընդդիմության կամ ժողովրդի ցանկությամբ չի լուծվելու։ Փաշինյանը լավ գիտի, թե ում առաջ է պարտավորություններ ստանձնել, ում ծրագրերն է իրականացնում և ումից պիտի ակնկալի իր քաղաքական ապագան։ Ու հիմա, երբ ոտքը քարին է դեմ առել, առաջ գնալ չի կարողանում, սկսել է ընդդիմությանն ու ժողովրդին համոզել, որ իրեն հեռացնեն։ Բայց մի՞թե ընդդիմությունը պետք է իր վրա վերցնի այն պարտավորությունների կատարումը, որոնց տերը ինքը չէ։ Փաշինյանին հեռացնելու են իր տերերը։ Հեռացման օրը հեռու չէ, արդեն պարզ նշմարվում է։ Ահը ընկել է ջանը՝ հեռացրե՜ք ինձ, որ ասեմ՝ չթողեցին ծրագիրս ավարտին հասցնեմ, ու մեղքը բարդեմ ընդդիմության վրա։ Ժողովրդին էլ կասեմ՝ չթողեցին, որ խաղաղության ծրագիրս ավարտեմ։ Ահա այս խառը իրավիճակում է հայտնվել Փաշինյանը։ Նա ուզում է ինքնուրույն գրել իր հեռանալու պատմությունը՝ իր պայմաններով, իր սցենարով և, ամենակարևորը, առանց իր ստանձնած պարտավորությունների պատասխանատվությունը կրելու։

Մինչդեռ քաղաքականությունը հուշում է այլ բան։ Փաշինյանին բերող տերերն են որոշելու՝ երբ և ինչ պայմաններով պետք է հեռանա Նիկոլ Փաշինյանը։ Իսկ տերերը, ելնելով Փաշինյանի Ազգային ժողովում դրսևորած վիճակից, արդեն որոշել են երբ և ինչպես ազատվել Փաշինյանից։ Ու այդ մասին գիտի Փաշինյանը։

© 2026 Հրապարակ

Source: Hraparak

Hraparak.am

Recent Posts

Վրաստանում սգո օր է հայտարարվել

Վրաստանում սգո օր է հայտարարվել Fri, 20 Nov 2026 16:30:42 +0400 Վրաստանի մայրաքաղաք Թբիլիսիի Պոնիճալա…

11 րոպե ago

Մեր ծնողներից մեկը մահացավ, մյուսը խելագարվեց, հոգեկանները շեղվեցին. Անհայտ կորածի մայր

Մեր ծնողներից մեկը մահացավ, մյուսը խելագարվեց, հոգեկանները շեղվեցին. Անհայտ կորածի մայր Fri, 20 Nov 2026…

15 րոպե ago

«Զգուշացեք ընծաներ բերող դանայացիներից»

«Զգուշացեք ընծաներ բերող դանայացիներից» Fri, 20 Nov 2026 16:21:59 +0400 ԱԺ «Հայաստան» խմբակցության պատգամավոր Արթուր…

20 րոպե ago

Նույն ԿԸՀ-ն, նույն համակարգը․ ընդդիմությունը չի վստահում Փաշինյանի առաջարկին

Նույն ԿԸՀ-ն, նույն համակարգը․ ընդդիմությունը չի վստահում Փաշինյանի առաջարկին Fri, 20 Nov 2026 16:15:35 +0400…

27 րոպե ago

Ադրբեջանը թույլ չի տալիս, որ Հայաստանը միանա անհետ կորածների հարցերով միջազգային նախաձեռնությանը

Ադրբեջանը թույլ չի տալիս, որ Հայաստանը միանա անհետ կորածների հարցերով միջազգային նախաձեռնությանը Fri, 20 Nov…

31 րոպե ago

Պահանջել են իրականացնել հանրաքվե, որի արդյունքներով պիտի լուծարվի ՀՀ-ն

Պահանջել են իրականացնել հանրաքվե, որի արդյունքներով պիտի լուծարվի ՀՀ-ն Fri, 20 Nov 2026 16:06:27 +0400…

36 րոպե ago