Իրանի նախագահը խոստովանեց․․․
Sat, 21 Nov 2026 14:30:20 +0400
Իրանի նախագահ Մասուդ Փեզեշքիանը հայտարարել է, որ ինքը մտադրություն չունի թաքցնել երկրի առկա խնդիրները կամ հանրությանը դատարկ խոստումներ տալ։
Միևնույն ժամանակ, նա վստահություն է հայտնել Իրանի՝ առկա դժվարությունները հաղթահարելու կարողության նկատմամբ։
«Մեր երկրում իրավիճակը հեռու է իդեալական լինելուց։ Սակայն դա չի նշանակում, որ մենք անկարող ենք հաղթահարել բոլոր դժվարությունները և ելք գտնել ստեղծված իրավիճակից», – ընդգծել է Փեզեշքիանը։
Իրանի նախագահը նշել է, որ կարևոր է համարում բացահայտ խոսել երկրի խնդիրների մասին՝ առանց թաքցնելու իրական վիճակը։