Ամերիկացի նախարարին արգելել են հեռուստաելույթներ ունենալ
Sun, 22 Nov 2026 20:00:56 +0400
Սպիտակ տան աշխատակազմի ղեկավար Սթիվեն Միլերն արգելել է ԱՄՆ Ներքին անվտանգության նախարար Մարքվեյն Մալինին հեռուստատեսային հարցազրույցներ տալ։ Դա տեղի է ունեցել այն բանից հետո, երբ վերջինս հայտարարել է, որ տեխնիկական վերջին խափանումները հնարավոր է, որ կապված լինեն արհեստական բանականության տեխնոլոգիաների հետ։ Այս մասին գրում է The Wall Street Journal պարբերականը։ Հիշեցնենք, որ վերջին շրջանի մեծածավալ համակարգչային խափանումները առնչվել են ամերիկյան պետական եւ խոշոր ընկերություններին, ներառյալ նաեւ Քաղաքացիական ավիացիայի ֆեդերալ վարչությանը, Ազգային անվտանգության գործակալությանը եւ այլն։ Քրիսթի Նոեմին փոխարինած Մալինը պետք է կարգուկանոնը վերականգներ գերատեսչությունում, սակայն ինքն է վարչակազմի համար դարձել պրոբլեմ։ Որոշ ներկայացուցիչներ Սպիտակ տանից պահանջում են, որ նա հրաժարական տա, քանի որ բավարար խիստ քաղաքականություն չի վարում անօրինական միգրանտների հանդեպ։ Սակայն նոր նախարարի նշանակումը կարող է լինել խնդրահարույց, քանի որ հունվարից Կոնգրեսն անցնում է դեմոկրատների կուսակցությանը եւ թեկնածուի հաստատումը կարող է ձգձվել։