Որպեսզի կապիտուլյացիոն պայմանագրի ստորագրության համահեղինակ դառնա նաև ողջ հասարակությունը…

Որպեսզի կապիտուլյացիոն պայմանագրի ստորագրության համահեղինակ դառնա նաև ողջ հասարակությունը…

Sun, 22 Nov 2026 20:15:01 +0400


Տնտեսագետ ու ընդդիմադիր հասարակական գործիչ Հրայր Կամենդատյանը շարունակ համեմատում է Հայաստանի ու հարևան Վրաստանի հարկային համակարգերը: Անդրադարձել է նաև անշարժ գույքի հարկի խնդրին: Այդ երկրում անշարժ գույքը հարկվում է այն դեպքում, երբ դրա սեփականատիրոջ ընտանիքի տարեկան եկամուտն ավելի է 100 հազար լարիից (տվյալ պահին՝ 13865061 դրամից): Մեզանում անշարժ գույքի հարկը հաշվում են այսպիսի խուճուճ բանաձևով. բազային արժեքը բազմապատկած քառակուսի մետրերով՝ գումարած բազմաթիվ գործակիցներ. գոտիականություն, շենքի կառուցման տարեթիվ և վնասվածության աստիճան, շինանյութի տեսակ, հարկայնություն և այլն: Ինչը ժառանգություն է մնացել նախկիններից, սակայն չի փոփոխվել՝ ինչպես դա արվել է Վրաստանում:

Ասվածը վկայում է, որ սոցիալական առումով Վրաստանը քաղաքացիակենտրոն պետություն է: Պատճառը, բնականաբար, այն է, որ Վրաստանը խստորեն հետևում է Սահմանադրության գլխավոր պահանջին՝ սոցիալական պետություն լինելուն: Իսկ Փաշինյանի վարչապետությամբ Հայաստանն, ի տարբերություն Վրաստանի, պաշտոնապես դիրքավորվել է որպես հարկատուների երկիր: Ի թիվս այլ հարցերի, այդ առումով ևս խախտելով ՀՀ Սահմանադրությունը: Այդ տրամաբանությամբ պայմանավորված՝ 2027 թվականի պետբյուջեի նախագծում 24 միլիոն դոլարով կրճատվելու է անապահով ընտանիքների նպաստի համար նախատեսված գումարը: Կրճատումը 2026-ին հատկացվող գումարի կեսից ավելին է: Եվ մինչև 2029 թվականը այդ միտումը կպահպանվի:

Եթե այս տարի զբաղվածության ծրագրի համար նախատեսված էր շուրջ 36 միլիոն դոլար, ապա հաջորդ տարվա համար նախատեսված է 8 միլիոն դոլարից մի փոքր ավելի։ Ասվածն, իհարկե, չի նշանակում, թե սոցիալական ոլորտում կրճատումներն ամենուրեք են. 2026-ի համեմատ սոցիալական ծախսերը կավելանան շուրջ 250 միլիոն դոլարով։ Բայց դրանք, որքան հասկանալի է, հիմնականում կուղղվեն հենց առողջապության ապահովագրությանը: Ինչի նպատակը, բնականաբար, 2027-ին սպասվելիք (եթե դա տեղի ունենա) արտահերթ խորհրդարանական ընտրությունների նախաշեմին ՀՀ քաղաքացիներին հերթական անգամ պետության հաշվին ընտրակաշառք բաժանելը կլինի:

Իսկ գործող իշխանությունն էլ հերթական անգամ ընդդիմադիր քաղաքական ուժերի ղեկավարների ու ակտիվիստների նկատմամբ ընտրակեղծարարության վերաբերյալ քրգործեր կհարուցի ու նրանց բանտերը կնետի: Ճիշտ է, դատարանները մեծ մասով նրանց հետագայում ազատ կարձակեն, բայց դա արդեն տեղի կունենա քվեարկությունից հետո: Ու նաև կհայտարարեն, թե որքան անկախ են հայաստանյան դատարանները: Հա, չմոռանամ հիշատակել, որ խիստ անհրաժեշտության դեպքում, ընտրություններին առանձին մասնակցող ընդդիմադիր կուսակցությունների ձայները Կենտրոնական ընտրական հանձնաժողովի որոշմամբ կզրոյացվեն՝ լրացուցիչ քվեներ ապահովելով իշխող Քաղպայմանագրի համար: Որպեսզի, ի վերջո, տեղի ունենահանրաքվեն: Ու Փաշինյանից բացի, կապիտուլյացիոն պայմանագրի ստորագրության համահեղինակ դառնա նաև ողջ հասարակությունը: Ահա այդպիսի սցենար կարող է նախատեսվել 2027 թվականի համար:

© 2026 Հրապարակ

Source: Hraparak

Hraparak.am

Recent Posts

Աննահանջ խաղամոլն ու վերջին խոչընդոտը

Աննահանջ խաղամոլն ու վերջին խոչընդոտը Sun, 22 Nov 2026 20:47:38 +0400 Վերլուծաբան Լևոն Զարգարյանը Ֆեյսբուքում…

14 րոպե ago

Ադեկվատ չե՛ն․ Լավրովի կոշտ պատասխանը՝ Գերմանիայի և ՄԹ ՊՆ ղեկավարներին

Ադեկվատ չե՛ն․ Լավրովի կոշտ պատասխանը՝ Գերմանիայի և ՄԹ ՊՆ ղեկավարներին Sun, 22 Nov 2026 20:45:55…

15 րոպե ago

Մոտենում է քաղաքական ռեպրեսիաների, շանտաժների ու գերեվարումների հերթական ալիքը

Մոտենում է քաղաքական ռեպրեսիաների, շանտաժների ու գերեվարումների հերթական ալիքը Sun, 22 Nov 2026 20:43:44 +0400…

18 րոպե ago

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին Sun,…

26 րոպե ago

Մելոնին Զելենսկուց պարզաբանում է պահանջել՝ Իտալիայի փոխվարչապետին «Միրոտվորեցում» ընդգրկելու առնչությամբ

Մելոնին Զելենսկուց պարզաբանում է պահանջել՝ Իտալիայի փոխվարչապետին «Միրոտվորեցում» ընդգրկելու առնչությամբ Sun, 22 Nov 2026 20:30:17…

31 րոպե ago

«Կալլասը երբեք իրատեսական թեկնածու չի եղել Մոսկվայի հետ երկխոսության մեջ Եվրոպայի ներկայացուցչի դերի համար»

«Կալլասը երբեք իրատեսական թեկնածու չի եղել Մոսկվայի հետ երկխոսության մեջ Եվրոպայի ներկայացուցչի դերի համար» Sun,…

53 րոպե ago