կարգի – Լրահոս – Lrahos

Ադրբեջանական մամուլը Մուստաֆաեւի այցից մանրամասներ է հաղորդում

Hraparak.am — Wed, 29 Apr 2026 15:35:45 +0000

Ադրբեջանական մամուլը Մուստաֆաեւի այցից մանրամասներ է հաղորդում

Wed, 29 Apr 2026 19:35:45 +0400

Քիչ առաջ ադրբեջանական haqin.az լրատվականը հրապարակում արեց` ադրբեջանական պատվիրակության` Հայաստան այցի մասին.
«Այսօր` ապրիլի 29-ին, Աղվերանում, Ադրբեջանի Հանրապետության փոխվարչապետ Շահին Մուստաֆաևի և ՀՀ փոխվարչապետ Մհեր Գրիգորյանի նախագահությամբ, տեղի է ունեցել Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի և Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հանձնաժողովի տասներեքերորդ նիստը։ Հայտնում է ադրբեջանական Haqqin. az-ը: Հանդիպման ընթացքում կողմերը մտքերի փոխանակում են կատարել` սահմանազատման աշխատանքներին վերաբերող կազմակերպչական և տեխնիկական հարցերի շուրջ։

Կողմերը համաձայնեցրել և փոխանակել են սահմանազատման աշխատանքների իրականացման կարգի վերաբերյալ հետևյալ նախագծերի տեքստերը.

– Ադրբեջանի Հանրապետության և Հայաստանի Հանրապետության միջև պետական սահմանազատման ընթացքում սահմանազատման փորձագիտական խմբերի աշխատանքի կարգի վերաբերյալ.

Ադրբեջանի Հանրապետության և Հայաստանի Հանրապետության միջև պետական սահմանի սահմանազատման քարտեզի ստեղծման կարգի վերաբերյալ.

Ադրբեջանի Հանրապետության և Հայաստանի Հանրապետության միջև պետական սահմանը սահմանազատող փաստաթղթերի պատրաստման և տրամադրման կարգի վերաբերյալ և այլն:

Կողմերը համաձայնեցրել են ներկայացնել վերոնշյալ կետերը կառավարությունների հաստատմանը։

Ադրբեջանի Հանրապետության փոխվարչապետ Շահին Մուստաֆաևը և Հայաստանի Հանրապետության փոխվարչապետ Մհեր Գրիգորյանը առանձին մտքեր են փոխանակել փոխադարձ հետաքրքրություն ներկայացնող հարցերի շուրջ։

Նշվել է, որ Ադրբեջանի Հանրապետության տարածքով դեպի Հայաստանի Հանրապետություն բեռների տարանցումը հաջողությամբ շարունակվում է։ Նշվել է նաև, որ Ադրբեջանը նավթամթերք է մատակարարում Հայաստան, ինչը վկայում է երկու երկրների միջև առևտրատնտեսական կապերի զարգացման մասին։

Հանդիպմանը ներկա են եղել նաև գործարարներ` հայ և ադրբեջանցի: Երկու կողմերի գործարար ներկայացուցիչները քննարկել են նաև առևտրատնտեսական համագործակցության զարգացմանն ուղղված հարցեր, ապրանքների և ծառայությունների փոխադարձ մատակարարումներին, ինչպես նաև տարանցիկ բեռնափոխադրումներին վերաբերող հարցեր։ Նշվել է, որ կողմերի միջև համագործակցությունը հնարավոր դարձավ Ադրբեջանի Հանրապետության նախագահ Իլհամ Ալիևի և Հայաստանի Հանրապետության վարչապետ Նիկոլ Փաշինյանի քաղաքական կամքի շնորհիվ։

Հանձնաժողովների նիստից հետո ստորագրվեց արձանագրություն։
Կողմերը որոշել են հանձնաժողովների հաջորդ նիստի ամսաթիվը, որը կկայանա Ադրբեջանի Հանրապետությունում»։

Source: Hraparak

The post Ադրբեջանական մամուլը Մուստաֆաեւի այցից մանրամասներ է հաղորդում appeared first on Լրահոս - Lrahos.

«Հրապարակ». Չհրաժարվեցին ահռելի պարգեւավճարներից, կարգի չբերեցին առնետների բուծարան դարձած նկուղները

Hraparak.am — Tue, 28 Apr 2026 08:45:02 +0000

«Հրապարակ». Չհրաժարվեցին ահռելի պարգեւավճարներից, կարգի չբերեցին առնետների բուծարան դարձած նկուղները

Tue, 28 Apr 2026 12:45:02 +0400

Զրուցակիցս Փրկարար ծառայության եւ Արդարադատության վետերան, փոխգնդապետ, բանաստեղծական չորս ժողովածուի հեղինակ Հայկազ Քոթանջյանն է, որն 8 տարի զբաղվել է մանկավարժությամբ՝ երիտասարդ սերնդին փոխանցելով հայրենասիրության ոգին եւ ռազմագիտության գաղտնիքները: Նաեւ զբաղվում է գեղանկարչությամբ:

– Մի բանաստեղծության մեջ գրել եք՝ «Էլ ձեւ չգիտե՞ս դու կառավարման, Չունե՞ս լուծումը դու «հավասարման», Գնա՛, հեռացի՛ր, թող նորերը գան»: Կարծում եք, որ այսօրվա իշխանությունները պետք է հեռանան՝ ճանապարհ բացելով նորերի առաջ:

– Իմ երեխաների, թոռների ապագան այս երկրում եմ տեսնում։ Ո՞ւմ ենք այն վստահելու, ո՞վ է այն ղեկավարը, որ կարող է ապահովել արժանապատիվ խաղաղություն, զարգացում եւ բարգավաճում։ Այս հարցերն այսօր մտահոգում են բոլորիս: Ներկա ղեկավարի մասին խոսք անգամ լինել չի կարող։ Նա Քաջ Նազարի բախտով ու արեւմտյան հովանավորների օգնությամբ իշխանության ղեկն իր ձեռքն առավ ու… էլ չմեկնաբանեմ: Պատկերն առավել քան տխուր է: Նախկիններն էլ մի բարի պտուղ չէին։ Նրանց պատճառով է, որ «սա» ոչ միայն եկավ իշխանության, այլեւ մինչ օրս մնում է աթոռին։ Այո, վստահաբար ասում եմ՝ նրանք «սրա» պատվանդանն են։ Նրանք որ չլինեն քաղաքական դաշտում, գուցե նոր դեմքեր հայտնվեն, ու բան փոխվի մեր իրականության մեջ։ Ես հեռու եմ քաղաքականությունից, ինձ քաղաքական վերլուծաբան չեմ համարում: Զինվորական ծառայության 25 տարիներն ինձ տվել են այլ մտածելակերպ՝ավելի գործնական ու տրամաբանական: Այդուհանդերձ, լինելով նաեւ մտավորական ու ՀՀ «հպարտ» քաղաքացի, տեսնում եմ, որ մենք ապրում ենք մի ժամանակաշրջանում, երբ ամեն ինչ կարծես տեղում է՝ պետություն ունենք, սահմաններ ունենք, իշխանություն ունենք… բայց միեւնույն ժամանակ ինչ-որ բան արմատապես պակասում է։ Այդ պակասը տեսանելի չէ առաջին հայացքից, բայց այն զգացվում է ամենուր՝ մարդկանց խոսքում, լռության մեջ, հիասթափության մեջ: Հարցը, որ պետք է ինքներս մեզ տանք, պարզ է՝ մենք իսկապե՞ս ունենք պետություն, թե՞ պարզապես՝ դրա պատրանքը։ Այս թեմաներն եմ արտահայտել բանաստեղծություններում:

– Մեկ այլ բանաստեղծությունում գրել եք․ «Այգեպա՛ն, զարթնի՛ր, հերի՛ք է քնես, Քաոս է տիրում անգին պարտեզում, Փշերը շուտով կհասնեն եւ քեզ»։ Մեզ նո՞ր «այգեպան» է պետք:

– Հենց այդպես: Ես աղաղակող անտարբերություն եմ տեսնում այն համակարգում, որում նվիրումով աշխատել եմ 25 տարի: Ամենաարդիական խնդիրը, ես կասեի՝ գերխնդիրը, պայմանավորված է տարածաշրջանում տեղի ունեցող իրադարձություններով։ Տեսեք՝ գրեթե չեն գործում միջազգային օրենքները, կարելի է ասել՝ այլեւս գոյություն չունի «պետական սահման» հասկացությունը, հատկապես՝ «օդային սահման» ասվածը։ Ու ցանկացած պահի, Աստված մի արասցե, պատահաբար կամ դիտավորյալ, կարող են ռումբեր թափվել մեր գլխին, կամ, ասենք, պայթյուն լինի մեր կամ Իրանի ատոմակայանում, ի՞նչ կլինի մեր բնակչության վիճակը։ Կա՞ արդյոք քաղպաշտպանության «ինչ-որ մակարդակ», որը պիտի ունենար ցանկացած կարգին պետություն՝ նման իրավիճակում։ Չեն գործում ռմբապաստարանները, ապաստարաններն ու թաքստոցները։ Որտե՞ղ եւ ինչպե՞ս են պատսպարվելու մեր երեխաները՝ հնարավոր վտանգի ժամանակ… Սա չի հուզում կառավարությանը։ Եթե հուզեր, կհրաժարվեին իրենց ահռելի պարգեւավճարներից եւ այդ փողերով կարգի կբերեին առնետների բուծարան դարձած նկուղները, կտային դրանք քաղպաշտպանության համայնքային կազմակերպություններին, վերջիններս էլ բնակչության հետ պարբերաբար կանցկացնեին ուսուցողական նախավարժանքներ, որպեսզի քաղաքացին իմանա՝ ուր գնա եւ որտեղ պատսպարվի հնարավոր աղետի դեպքում… Մի խոսքով, շատ անելիքներ կան, բայց անող չկա։ Որովհետեւ տեր չկա:

– Բայց այսօր խոսում են տնտեսական աճի մասին, թվեր են բերում, որ տնտեսական աճի շնորհիվ թոշակ են բարձրացրել, պարգեւավճարներ սահմանել… երեւի որ ավելի լավ տնտեսական աճի թվեր նկարեն:

– Լավ ասացիք՝ նկարեն, քանի որ այդ աճը լիարժեք չի արտացոլվում մարդկանց կյանքում։ Երբ աշխատողը շարունակում է ապրել անորոշության մեջ, երբ երիտասարդը չի տեսնում երկարաժամկետ հնարավորություն, առաջանում է խորքային խնդիր: Աճը, որը չի բաշխվում արդար եւ չի ստեղծում կայունություն, չի կարող դառնալ պետական հենասյուն։ Այն ընդամենը ժամանակավոր ցուցանիշ է, ոչ թե համակարգային առաջընթաց։ Տնտեսությունը չի կարող ուժեղ լինել, եթե այն չի ծառայում մարդուն։ Իսկ երբ մարդը չի զգում այդ ուժը, առաջանում է ամենավտանգավոր երեւույթներից մեկը՝ անվստահություն սեփական երկրի նկատմամբ։ «Ու քանի դեռ աթոռներին պինդ նստած են տխմարները, Մենք կմնանք նրանց գերին»: Այս տողերը հոռետեսակա՞ն տողեր են, թե՞ զգաստացնող:

– Ինչպե՞ս հավատանք, որ «տխմարները պինդ նստած չեն մնա» հերթական եւ վճռական ընտրություններից հետո:

– Մինչ այժմ խոսքս միայն մի նպատակ ուներ. հասկանանք, թե ինչ վիճակում ենք եւ ուր ենք գնում` ոչ միայն մեղադրենք, այլ նաեւ գնահատենք։ Ոչ թե բաժանվելու, այլ՝ սթափվելու։ Յուրաքանչյուր ընտրություն՝ քաղաքական, հասարակական կամ անձնական, ունի հետեւանքներ։ Եվ այդ հետեւանքները որոշվում են ոչ թե հույզերով, այլ՝ գիտակցությամբ։ Եթե ուզում ենք ունենալ կայացած պետություն, պետք է սովորենք պահանջել ոչ թե խոստումներ, այլ՝ արդյունքներ, ոչ թե բառեր, այլ՝ պատասխանատվություն, ոչ թե պահի լուծում, այլ՝ երկարաժամկետ ռազմավարություն։ Որովհետեւ պետությունը պատրանք չէ միայն այն դեպքում, երբ այն կառուցվում է գիտակցված ընտրություններով: Ցավոք, մեր քաղաքացիների մի մասը չի զգում իրեն պետության տեր։ Պետությունն ընկալվում է որպես մի բան, որից պետք է ինչ-որ բան ստանալ, ոչ թե մի համակարգ, որի համար պետք է պատասխանատվություն կրել։ Այս մտածողությունը քայքայում է հիմքերը։ Երբ «ինչ կարող եմ վերցնել»-ը գերակայում է «ինչ կարող եմ տալ»-ին, պետությունը դառնում է թույլ, անկախ նրանից, թե ով է իշխանության։ Բոլորիս հայտնի են բոլոր խնդիրների հեղինակներն ու մեղավորները, իսկ եթե ավելի ճշգրիտ ասեմ՝ օրվա իշխանությունը: Հետեւությունը թող մեր հպարտ քաղաքացիներն անեն՝ գնալ եւ նորից ընտրել «դրա՞նց», թե՞ ձայնը տալ ավելի արժանավորին: Իսկ թե ում, դա արդեն թողնում եմ յուրաքանչյուրի սթափ մտքին ու մաքուր խղճին: Թե չէ «այս մեկը» (Նիկոլը) ցույց է տալիս, թե գործ է անում, իբր աղբն է «չուլանից» հանում, բայց իրականում ինքն է աղտոտում ու «հպարտներիս» իրենից վանում:

Source: Hraparak

The post «Հրապարակ». Չհրաժարվեցին ահռելի պարգեւավճարներից, կարգի չբերեցին առնետների բուծարան դարձած նկուղները appeared first on Լրահոս - Lrahos.

Հարց Սիմոնյանին՝ կա՞ Հայաստանում էդ կարգի մի ավանակ

Hraparak.am — Fri, 06 Mar 2026 14:03:00 +0000

Հարց Սիմոնյանին՝ կա՞ Հայաստանում էդ կարգի մի ավանակ

Fri, 06 Mar 2026 18:03:00 +0400

Հարց Ալեն Սիմոնյանին
Ռեժիմը «պեռաշկի & կուկուռուզ» ադրենալինային ֆուլ էյֆորիայի մեջ է։ Ալեն Սիմոնյանը ազգի աչքը առավոտ լուսո մտցրեց ամերիկյան միջազգային հանրապետական ինստիտուտի՝ IRI-ի կողմից անցկացված սոցիոլոգիական հարցումները, ըստ որոնց, հունիսի 7-ին ընդհանրապես իմաստ էլ չունի ընտրություն կազմակերպել, փող ծախսել, քարոզարշավ անել, որովհետեւ Նիկոլը մի այլ ձեւի առաջատար է։

Էս թեմային ես ու Արթուր Խաչիկյանը մեր հաջորդ փոթքաստում կանդրադառնանք, բայց մի հարց ունեմ Ալեն Սիմոնյանին ու ակնկալում եմ հրապարակային պատասխան։ Կարծեմ 20 թվին էր, որ այս նույն ինստիտուտը՝ IRI-ին, արել էր մի լավաշ սոցիոլոգիական հարցում եւ ըստ այդ հարցման, «ովքե՞ր են Հայաստանի ամենահեղինակավոր եւ բարձր հանրային վարկանիշ ունեցող կանայք, պարզվում է, բռնվեք պինդ, մեր ժողովուրդը այդպիսին համարել էր Լենա Նազարյանին ու Լիլիթ Մակունցին։ Եթե հատկապես առաջինին չհիշեցիք, տվեք «որոնում», երեւի տեղը բերեք։

Իսկ հիմա հարց Ալեն Սիմոնյանին՝ կա՞ Հայաստանում էդ կարգի մի ավանակ, որ վերոնշյալ երկու կանանց համարի հեղինակավոր ու բարձր հանրային վարկանիշ ունեցող։

Եթե կա՝ խնդրում եմ ձեր էջում հրապարակեք այդ առանձնյակի նկարը։

Նաիրա Զոհրաբյանի ֆեյսբուքյան էջից

Source: Hraparak

The post Հարց Սիմոնյանին՝ կա՞ Հայաստանում էդ կարգի մի ավանակ appeared first on Լրահոս - Lrahos.