Տեսա, որ ադրբեջանական մի քանի կայքերի թեման հայազգի փոքրիկ ռեկորդակիր Միքայել Հակոբյանն է, ով վերջերս մի հարցազրույցում ասել էր, թե թշնամուն վերացնող զենք է ստեղծելու։
86 ռեկորդակիր 9 տարեկան տաղանդաշատ երեխայի խոսքը քննարկվում էր մեծ պաթոսով։ Ռուսերենով լսեցի, թե հայերը ատելություն են սերմանում իրենց ազգի հանդեպ։
Գիտեմ, որ շատ-շատերը կհակադարձեն, որ Ադրբեջանում մանկապարտեզի երեխաներից են սկսում հայատյացության քարոզը։ Դպրոցներում են բացեիբաց սերմանում նույն ատելությունը, ներկայացնելով հային` որպես թշնամու կերպար։ Նրանց դասագրքերում են հայերը վաղուց ոխերիմ թշնամիներ դարձել։
Վերոնշյալ թվարկածների և ավելիի մասին բոլորս գիտենք, բայց համաձայնվենք, որ մենք թույլ ենք տեղեկատվական ոլորտում թշնամուն հակազդելուն։ Նրանք ամենուր են ակտիվ գործում՝ կեղծելով, խաբելով, մեզ ցեխոտելով, այնինչ նրանց չարիքների մասին աղաղակելու փոխարեն` կողքով լուռ անցնում ենք, որի արդյունքում էլ թշնամին կառչում է մեր մեկ բառից, մեկ նախադասությունից…
Ես կասեի` հայ ազգը պիտի համբուրի այս գերխելացի երեխայի ձեռքերը, որով նա զենք կստեղծի թշնամու դեմ։
«Թշնամի» է նա, ով ոչնչացնում է մեկ ուրիշի, մեկ այլ ազգի, ժողովրդի երազանքը, թշնամի է նա, ով պատերազմ է սանձազերծում, խլում մարդկային կյանքեր, սփռում ավերածություններ… Թշնամի է նա, ով մտնում է մեր տունը` մեզ սպանելու, ոճիր գործելու նպատակով…
Մեր փոքրիկի խոսքը մեզ կյանքից, տունուտեղից զրկող թշնամու մասին է, նրա ստեղծած զենքը թշնամի ազգի երեխաների ոչնչացման համար չէ, նա տեսնում է Հայաստանի սահմանների անվտանգությունը, Արցախի 120 հազարի շրջափակումը, իր հասակակից արցախցիների զրկանքները, նա գիտի, որ թշնամու անօդաչուներին զոհ և հաշմանդամ են դարձել մեր հազարավոր տղաները…
Ժամանակից շուտ զարգացած երեխան շատ հավանական է` զենք ստեղծի թշնամու դեմ, իսկ մենք պիտի պաշտպանենք նրա երազանքը` հակազդելով մեզ թշնամի բորենիների հոխորտանքին, որի թիրախում հայտնվել է մեր անչափահաս Ամենախելացին։
Նատաշա Պողոսյան
Source: USAArmenia
«Ուզում են ոչ լեգիտիմ մարիոնետային իշխանության հաստատում ՀՀ-ում և ՀՀ ինքնիշխանության, պետականության դե ֆակտո լուծարում…
«Արձագանքելով դիտարկմանը՝ 2021 թվականին հայտարարել էիք՝ ավելի շուտ ձեռքերս կկտրեմ, քան Տավուշի և Ղազախի այդ…
Իր կողմից հրավիրված ասուլիսում Նիկոլ Փաշինյանը գնահատականներ է հնչեցրել հայ հոգևորականների հասցեին՝ նրանցից շատերին համարելով…
Արձագանքելով Բագրատ արքեպիսկոպոս Գալստյանի հայտարարությանն այն մասին, որ ՔՊ-ական բարձրաստիճան անդամներ արդեն իսկ ներքին ուղերձներ…
Տավուշում ժողովուրդը շարունակում է պայքարել սեփական ինչքը, տունը, եկեղեցին թուրքին չզիջելու համար՝ կռիվ տալով բիրտ…
Կառավարության նիստում անդրադառնալով 2025-ին ստեղծվելիք Ոստիկանության գվարդիայի հարցին՝ վարչապետ Նիկոլ Փաշինյանն ասել է.«Ոստիկանությունն ուժային կառույց…