Մեկնաբանելով Ոստիկանության գործողությունները` Երևանի Բաղրամյան 3 հասցեում գտնվող BAN ակումբում, երբ հայտնաբերվել էին էլեկտրոնային կշեռքով թմրանյութի կշռման փաստ, 21-ամյա աղջկա մոտ՝ մեթադոն տեսակի թմրանյութ և թմրանյութի շրջանառության այլ դրվագներ՝ ՔՊ-ական պատգամավոր, նախկինում Ոստիկանության ծառայող Արմեն Խաչատրյանը խոստովանել էր, որ ոստիկանությունից ունեցած սպասելիքները անհամեմատ ավելի մեծ են, քան՝ ներկայիս արդյունքները։ Դրանով, ըստ էության, նա իր դժգոհությունն էր հայտնել Ոստիկանության՝ թմրամոլության ու թմրանյութերի շրջանառության դեմ պայքարից, ինչն էլ, բնականաբար չէր կարող չծնել տրամաբանական հարց՝ իսկ արդյոք հայաստանյան ոստիկաններն ունե՞ն պատշաճ որակներ՝ հանրության ու իշխանությունների ակնկալիքները կյանքի կոչելու, իրենց արդարացնելու համար:
Այս հարցին անկեղծորեն պատասխանել է ՄԻՊ Անահիտ Մանասյանը՝ լրագրողների հետ ճեպազրույցում արձանագրելով, որ Ոստիկանության շատ ծառայողներ չեն տիրապետում անհրաժեշտ գիտելիքների:
Հարց է առաջանում՝ եթե իշխանություններն էլ, նրանց հետ փոխկապակցված պաշտոնյաներն ու օղակներն էլ արձանագրում են, որ ՀՀ ոստիկանության շատ ծառայողներ փաստացի անգրագետ են, ապա ի՞նչ հավելյալ ակնկալիքների մասին կարող է խոսք լինել: Չի կարող Հայաստանում թմրամոլության ու թրմանյութերի ապօրինի շրջանառության դեմ տարվող պայքարն արդյունավետ լինել, եթե շատ ոստիկանների գիտելիքների ու պրոֆեսիոնալիզմի մակարդակը մոտ է զրոյին:
Անմիջպես երկրորդ՝ ոչ պակաս կարևոր հարց է առաջ գալիս՝ իսկ ինչպե՞ս ստացվեց, որ հայաստանյան ոստիկանները գլխովի դարձան տխմարներ՝ իրենց կոչմանը չհամապատասխանող:
Հարցի պատասխանն առավել քան ակնհայտ է, և գաղտնիքը կրկին քաղաքական իշխանությունների կողմից վարվող ներքին քաղաքականությունն է: ՔՊ-ն իր ոստիկանությունը կազմավորելիս շեշտը դրել է ոչ թե պրոֆեսիոնալիզմի, այլ միանագամայն այլ որակների՝ ասենք քաղաքական լոյալության գործոնի վրա: ՔՊ-ին պետք չէ իր իրական կոչմանը հավատարիմ Ոստիկանություն, այլ՝ մի կառույց, որի գերնպատակն ու միակ իրական առաքելությունը համակարգը քաղաքական իշխանությունների կրնկի տակ պահելն է ու քաղաքական մահակի դերում հանդես գալը: Այլ խնդիր իշխանություններն իրենց առջև չեն դրել, և թերևս հենց այս խնդրի լուծման նպատակով է, որ գրեթե ամենամսյա ռեժիմով բարձրացվում են ոստիկանների կամ քննիչների աշխատավարձերը՝ առանց համոզիչ հիմնավորման:
Իշխանությունների համար նարկոբիզնեսը սկզբունքային պրոբլեմ չէ, պրոբլեմն այն իրենց տոտալ վերահսկողության տակ պահելն է:
Source: USAArmenia
«Ուզում են ոչ լեգիտիմ մարիոնետային իշխանության հաստատում ՀՀ-ում և ՀՀ ինքնիշխանության, պետականության դե ֆակտո լուծարում…
«Արձագանքելով դիտարկմանը՝ 2021 թվականին հայտարարել էիք՝ ավելի շուտ ձեռքերս կկտրեմ, քան Տավուշի և Ղազախի այդ…
Իր կողմից հրավիրված ասուլիսում Նիկոլ Փաշինյանը գնահատականներ է հնչեցրել հայ հոգևորականների հասցեին՝ նրանցից շատերին համարելով…
Արձագանքելով Բագրատ արքեպիսկոպոս Գալստյանի հայտարարությանն այն մասին, որ ՔՊ-ական բարձրաստիճան անդամներ արդեն իսկ ներքին ուղերձներ…
Տավուշում ժողովուրդը շարունակում է պայքարել սեփական ինչքը, տունը, եկեղեցին թուրքին չզիջելու համար՝ կռիվ տալով բիրտ…
Կառավարության նիստում անդրադառնալով 2025-ին ստեղծվելիք Ոստիկանության գվարդիայի հարցին՝ վարչապետ Նիկոլ Փաշինյանն ասել է.«Ոստիկանությունն ուժային կառույց…