ՆԳՆ փոխնախարար Արփինե Սարգսանը, արձագանքելով հարցին՝ հնարավո՞ր է, որ որոշ ժամանակ անց ինքը դառնա նախարար՝ փոխարինելով այդ պաշտոնում ներկայումս աշխատող Վահե Ղազարյանին, բացասական պատասխան է տվել՝ լրագրողին մեղադրելով թեման շահարկելու համար. ինքը չունի նախարար դառնալու վերաբերյալ պլաններ:
Վերջին շրջանում բավական հաճախակիացել են խոսակցություններն այդ մասին, և հաշվի առնելով փաստը, որ Նիկոլ Փաշինյանը կարծես թե նպատակ ունի՝ զտելու սեփական շրջապատը՝ ելնելով նաև, ըստ որոշ տեղեկությունների, աշխարհաքաղաքական օրենտացիայի հնարավոր փոփոխության խնդրից, դրանք հենց այնպես չեն շրջանառվում:
Իրականում, եթե օբյեկտիվորեն գնահատելիս լինենք Ոստիկանության ներկայիս աշխատանքը կամ դրա որակը, ապա փաստ է, որ այն բավական իջել է. երկրում ծաղկում է թմրաշրջանառությունը, սպանությունները դարձել են լրիվ սովորաան երևույթ, կրակում են գրեթե բոլորը՝ չկաշկանդվելով ոչնչից ու ոչ մեկից և այլն: Կարճ ասած՝ Վովան նայում ու հրճվում է՝ «Կերա՞ք, չաթլախնե՛ր» քթի տակ շշնջալով:
Իրավիճակն իսկապես անբավարար է, ինչն էլ, բնականաբար, ծնում է հարցեր: Ընդ որում՝ այդ հարցերը կարող են ծնվել ոչ միայն հասարակ քաղաքացիների ուղեղներում, այլև՝ նույն Ղազարյանի վերադասի կաբինետում: Ճիշտ է՝ Ղազարյանը համարվում է Փաշինյանին ամենահավատարիմ սուբյեկտներց մեկը՝ իշխանական բուրգում՝ լինելով նրա դասընկերը, բայց դե մի բան են անձնական կապերը, բոլորովին այլ բան՝ աշխատանքի ՕԳԳ-ն, որը ներկայիս նախարարի մոտ բնավ չի փայլում:
Ահա այստեղ է, որ հրապարակ է իջնում նրան փոխարինելու անհրաժեշտության մասին հարցը: Իսկ ո՞վ է ասել, օրինակ, որ Ալեն Սիմոնյանը քաղաքականապես վտանգավոր կարող էր լինել Փաշինյանի համար: Բայց մարդն արեց, չէ՞ իրենը, ու հիմա Ալենն ու հարսը կանգնել են փաստի առաջ:
Սահմանադրության փոփոխությունից հետո, որը պլանավորել է Նիկոլ Փաշինյանը, ասում են, սպասվում են լուրջ փոփոխություններ իշխանական թիմում, ուստի բնավ բացառված չէ, որ այդ փոփոխությունները վերաբերեն նաև ՆԳ նախարարությանը: Արփինե Սարգսյանը ձեռնտու կարող է լինել հատկապես աշխարհաքաղաքական վեկտորի փոփոխության տեսանկյունից, քանի որ եթե Ղազարյանը համարվում է ռուսական ազդեցության տարր, ապա Սարգսյանը, ընդհակառակը, մոտ է կանգնած Արևմուտքին, ինչը կարող է վճռորոշ դեր խաղալ աղջկա կարիերայի զարգացման համար:
Այնպես որ՝ անկախ նրանից, թե ինչ պլաններ ունի Սարգսյանն իր ապագայի համար, նրան շուտով կարող են անել այնպիսի առաջարկ, որից հրաժարվելը պարզ անմտություն կլինի. ո՞ր մի զինվորը չի ցանկանում գեներալ դառնալ:
Source: USAArmenia
«Ուզում են ոչ լեգիտիմ մարիոնետային իշխանության հաստատում ՀՀ-ում և ՀՀ ինքնիշխանության, պետականության դե ֆակտո լուծարում…
«Արձագանքելով դիտարկմանը՝ 2021 թվականին հայտարարել էիք՝ ավելի շուտ ձեռքերս կկտրեմ, քան Տավուշի և Ղազախի այդ…
Իր կողմից հրավիրված ասուլիսում Նիկոլ Փաշինյանը գնահատականներ է հնչեցրել հայ հոգևորականների հասցեին՝ նրանցից շատերին համարելով…
Արձագանքելով Բագրատ արքեպիսկոպոս Գալստյանի հայտարարությանն այն մասին, որ ՔՊ-ական բարձրաստիճան անդամներ արդեն իսկ ներքին ուղերձներ…
Տավուշում ժողովուրդը շարունակում է պայքարել սեփական ինչքը, տունը, եկեղեցին թուրքին չզիջելու համար՝ կռիվ տալով բիրտ…
Կառավարության նիստում անդրադառնալով 2025-ին ստեղծվելիք Ոստիկանության գվարդիայի հարցին՝ վարչապետ Նիկոլ Փաշինյանն ասել է.«Ոստիկանությունն ուժային կառույց…