Եռաբլուր այցելած Սասուն Միքյալեյանն է լրագրողների հետ զրույցում մեկնաբանել ԱԱԾ-ի կողմից ավելի վաղ տարածված այն հայտարարությունը, ըստ որի՝ հայկական կողմը որոշել է Ադրբեջանին արտահանձնել փետրվարի 28-ին, Սյունիքի մարզի Տեղ համայնքի հատվածում ՀՀ ՊՆ զինծառայողների կողմից հայտնաբերված Հայաստան-Ադրբեջան պետական սահմանը հատած ադրբեջանական զինված ուժերի զինծառայող Ռուսլան Էլդանիս-Օղլու Փենախովին: ԱԱԾ-ն հայտարարել էր, որ նման կերպ որոշել են բարի կամքի ժեստ անել Ադրբեջանին:
Սասուն Միքայելյանը, ինչպես պարզվել է, տեղյակ չի եղել ԱԱԾ-ի հայտարարութան մասին, իսկ երբ լրագրողից տեղեկացել է, ասել է՝ դա իր խնդիրը չէ. իր խնդիրը սահման պահելն է, պահում են: «Ամեն ինչի մեջ քթներդ մտցնում եք, ժողովո՛ւրդ»,-փնթփնթացել է Սասունն ու դատապարտել լրագրողներին:
Սասուն Միքայելյանի այսօրինակ ռեակցիան կամ պատասխանը չի կարելի անսպասելի համարել, քանի որ նա երբեք աչքի չի ընկել իշխանությունների քայլերին տրված համարձակ ու օբյեկտիվ գնահատականներով: Այն, ինչ որ արել են իշխանություններն ադրբեջանցի դիվերսանտի հետ, Հայաստանում լուրջ հարցեր է առաջ բերել, քանի որ այդ մեկ հոգուն, եթե նորմալ իշխանություն ունենայինք, հնարավոր էր մեր մի քանի գերու դիմաց միայն արտահանձնել: Այս դեպքում, ցավոք, հայկական կողմի բարի կամքը կրել է միակողմանի բնույթ, ինչը լրջագույն հարց է առաջ բերում՝ նկատի ունենալով Բաքվում պահվող մեր տասնյակ գերիների հանգամանքը՝ չհաշված Արցախի գերեվարված ռազմաքաղաքական ղեկավարության գործոնը:
Սասուն Միքայելյանն ուղղակի խուսափել է գնահատական տալ, քանի որ օբյեկտիվորեն անհնար է այս քայլը գովելի համարել այն էլ մի մարդու տեսանկյունից, որն իրեն ԵԿՄ-ի ղեկավար է կարգել՝ ստեղծելով հայրենիքի պաշտպանի հանրային իմիջ:
Բայց հարցից խուսափելը ևս պատասխան ու կեցվածք է, որ որևիցե կերպ չի նպաստում Սասուն Միքյալեյանի հանրային իմիջի բարելավմանը՝ իմիջ, որ վաղուց զրոյին է հավասարվել՝ իշխանական լափամանի հանդեպ Սասունի անհաղթահարելի սիրո պատճառով:
Source: USAArmenia
«Ուզում են ոչ լեգիտիմ մարիոնետային իշխանության հաստատում ՀՀ-ում և ՀՀ ինքնիշխանության, պետականության դե ֆակտո լուծարում…
«Արձագանքելով դիտարկմանը՝ 2021 թվականին հայտարարել էիք՝ ավելի շուտ ձեռքերս կկտրեմ, քան Տավուշի և Ղազախի այդ…
Իր կողմից հրավիրված ասուլիսում Նիկոլ Փաշինյանը գնահատականներ է հնչեցրել հայ հոգևորականների հասցեին՝ նրանցից շատերին համարելով…
Արձագանքելով Բագրատ արքեպիսկոպոս Գալստյանի հայտարարությանն այն մասին, որ ՔՊ-ական բարձրաստիճան անդամներ արդեն իսկ ներքին ուղերձներ…
Տավուշում ժողովուրդը շարունակում է պայքարել սեփական ինչքը, տունը, եկեղեցին թուրքին չզիջելու համար՝ կռիվ տալով բիրտ…
Կառավարության նիստում անդրադառնալով 2025-ին ստեղծվելիք Ոստիկանության գվարդիայի հարցին՝ վարչապետ Նիկոլ Փաշինյանն ասել է.«Ոստիկանությունն ուժային կառույց…