Հայաստանում տեղի ունեցողի ֆոնին մտահոգիչ հայտարարությամբ է հանդես եկել Թուրքիայի նախագահ Էրդողանը՝ հերթական անգամ կասկածի տակ դնելով Ցեղասպանության փաստը: Ցեղասպանությունը հայտարարելով՝ անհիմն հիշողություններ ու կոչ անելով հրաժարվել դրանցից՝ նա վստահեցրել է, որ Փաշինյանը հասկանում է՝ տարածաշրջանում հիմա նոր կարգ է հաստատվում: Միաժամանակ նա չի մոռացել թիրախավորել Սփյուռքին՝ հույս հայտնելով, որ Հայաստանը կազատվի այն խավարից, որի մեջ իրեն ներքաշել է Սփյուռքը և կընտրի նոր նախաձեռնությունների ուղին՝ հանուն պայծառ ապագայի:
Այսպիսով՝ Էրդողանը ուղղակիորեն թիրախավորել է Սփյուռքին՝ հստակեցնելով, թե որ սուբյեկտն է այսօր խոչընդոտ հանդիսանում թուրքական պլանների համար: Էրդողանի մեսիջը հստակ է՝ Հայաստանը պետք է կտրի իր պորտալարը Սփյուռքից ու մոռանա Հայոց ցեղասպանության մասին, հայկական պահանջատիրությունից ձեռք քաշի՝ դեմ չգնալով տարածաշրջանային նոր իրողություններին:
Բայց արդյոք Էրդողանի ուղերձն արդիակա՞ն է:
Բանն այն է, որ Հայաստանում տեղի ունեցած հեղափոխություն-իշխանափոխությունից հետո Հայաստանի ղեկավարությունը գնացել է այն նույն ճանապարհով, որը մատնանշել է Էդողանն իր ուղերձում:
Նույն Զարեհ Սինանյանը ոչ մի ջանք չի խնայել՝ խաթարելու Հայաստան-Սփյուռք հարաբերությունները: Նա դա արել է՝ կեղծ նարատիվներ ու օրակարգեր ձևավորելով, կեղծ թիրախներ մատնանշելով, ջնջելով այն ընդհանուրը, որի հիմքով շաղկապված էին Հայաստանն ու Սփյուռքը: Այս իմաստով Սփյուռքը վաղուց Հայաստանում որևէ օրակարգ չի ձևավորում, Սփյուռքը վաղուց օտարված է Հայաստանի պետությունից՝ ստիպված լինելով պայքար մղել միայնակ, միայնակ տեր կանգնել պահանջատիրությանը, միայակ բարձաձայնել Ցեղասպանության մասին, որն այսօր հայաստանյան իշխանություններն ընդամենը «Մեծ եղեռն» են անվանում՝ խուսափելով միջազգային իրավական տերմին հանդիսացող «Ցեղասպանություն»-ից, որ հետևանքներ ու պատասխանատվութուն է ենթադրում:
Էրդողանն իրականում չունի անհանգստանալու ոչինչ. Հայաստանի իշխանություններն ամբողջությամբ թուրքական գծի մեջ են, ամբողջությամբ սպասարկում են Անկարայի շահերը՝ Հայաստանը զրկելով բնական դաշնակիցներից ու կենսունակ պետական համակարգից:
Գուցե ապրիլի 24-ին վարչապետն ու մյուս իշխանավորները շտապեն Ծիծեռնակաբերդ՝ հարգանքի տուրք մատուցելու Ցեղասպանութան զոհերի հիշատակին, բայց դա ոչինչ չի նշանակելու այլևս, քանի որ Հայաստանը, ըստ էության, հրաժարվել է պահանջատիրությունից՝ պատրաստ միակողմանիորեն ընդունելու թուրքական բոլոր նախապայմանները:
Source: USAArmenia
Հասկանալով, որ օբյեկտիվորեն հանրության շրջանում շատ մեծ է իշխանություններից ունեցած հիասթափությունը, իսկ «Տավուշը հանուն հայրենիքի»…
Աննախադեպ բան է տեղի ունեցել. Լեմկինի ցեղասպանության ինստիտուտը Նիկոլ Փաշինյանի ու նրա թիմակիցների մոտեցումները դատապարտող…
Արդեն մի քանի շաբաթ «Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանի վիճակը ծայրահեղ վատացել…
Անգլիայի հանգուցյալ թագուհու դագաղի հետ սելֆի անող ՀՀ «նախագահը» նախօրեին գտնվում էր Կալիֆորնիա նահանգում:Կալիֆորնիայի հյուսիսային…
Բագրատ սրբազանը դիմել է սփյուռքահայությանը՝ միանալու շարժմանն ու առավել ակտիվորեն ներգրավվելու ՔՊ-ական իշխանությունների կամ ապօրինի…
Եղբայրնե՛ր և քույրե՛ր, սիրելի՛ հայեր, Հայաստանի իշխանությունները մի շարք ոչ կոմպետենտ քայլերի արդյունքում երկիրը մտցրել…