Մոսկվայի իր ընկերոջ զանգին սպասող Հովիկ Աղազարյանը տարածել է հայտարություն այն մասին, որ մերժում է Նիկոլ Փաշինյանի խնդրանքը՝ մանդատը վայր դնելու, հեռանալու մասին: Ըստ ՔՊ-ական պատգամավորի՝ իր այդ դիրքորոշումը պայմանավորված է երկու վայրույթի առկայությամբ՝ մեկը վերաբերող իր որդուն, որի մասին խոսել էր Արգիշտի Քյարամյանը, մյուսը՝ մանր եղջերավոր անասունների արտահանմանը, որտեղ ինքը ներգրավված է որպես վկա: Աղազարյանը հայտարարել է, որ եթե ընդուներ վարչապետի խնդրանքը, ապա հետագայում, երբ այդ վարույթների ավարտման արդյունքում պարզվի, որ ինքը մեղավորություն չունի, ապա հասարակության մոտ կարող է տպավորություն ստեղծվել, թե ինչ-որ գործարք է առաջարկվել, և ինքը գնացել է այդ գործարքին, իսկ եթե վարույթներից գոնե մեկի ավարտման արդյունքում ապացուցվի, որ ինքը մեղավոր է, բնականաբար, կզրկվի պատգամավորական մանդատից:
Հովիկ Աղազարյանը, որ ՔՊ-ում իր որոշման հետ կապված արձագանքի բացասական լինելը միանգամայն հնարավոր է համարել՝ չբացառելով նաև գործին Գլխավոր դատախազի միջամտությունը, ակնհայտորեն Նիկոլ Փաշինյանի նյարդերի ամրությունն է որոշել ստուգել:
Ի՞նչ կարող է Նիկոլ Փաշինյանը տեսականորեն Աղազարյանի հետ անել:
Եթե գլխին գործ «կարեն» ու տանեն, ապա դա ոչ մի լավ ազդցություն չի ունենալու ՔՊ-ի ժողովրդական վարկանիշի վրա այն դեպքում, երբ ընտրությունները սարերի հետևում չեն: Եթե հետ կանգնի իր որոշումից, ապա կստացվի, որ Հովիկ Աղազայանի ոգին ավելի ամուր է, քան երկրի ղեկավարի սկզբունքայնությունը, որին կարելի է «կոտրել»: Այսպիսով՝ Աղազարյանը Փաշինյանին դրել է մի դիլեմայի առաջ, որից անվնաս ելք գործնականում գոյություն չունի:
Մյուս կողմից՝ Փաշինյանի համար այս իրավիճակը վտանգավոր է նաև այն պատճառով, որ կարող է «դուխավորել» ՔՊ-ական այն պատգամավորներին, որոնք այսքան ժամանակ կատարել են լոկ ուսապարկի դեր թիմում: Մտավոր ընդունակություններով չփայլող Աղազարյանի օրինակը կարող է վարակիչ լինել, և այն միահեծան կարգը, որ այժմ կա ՔՊ-ի ներսում, կարող է փլուզվել:
Ելք կարող է լինել «ուսուլով» թեմայից յան տալը, չսրելը, բայց այդ դեպքում էլ «օդում կախված» կմնա ՔՊ-ի ինքնամաքրման հարցը:
Եթե այս ամենը գծագրված թատրոն չէ, ապա Փաշինյանի վիճակը լուրջ է:
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…