«Իշխանություն» լրատվականի տեղեկություններով՝ Ֆազ մականունով հայտնի
քրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել է Ֆազի սպանությունը կատարող անձին և ծեծի ենթարկել։
Դեպքը տեղի է ունեցել Լիոն քաղաքի հայտնի ռեստորաններից մեկի զուգարանում։ Ֆազի սպանության մեջ մեղադրվող անձը դեպքից անմիջապես հետո լքել էր Հայաստանը և այժմ, փաստորեն, հանգիստ ապրում է Ֆրանսիայում։
Քննչական կոմիտեից «Իշխանություն» լրատվականին հայտնեցին, որ քրեական վարույթի շրջանակում մեկ անձ գտնվում է հետախուզման մեջ, նախաքննությունը շարունակվում է, և այս պահին այլ մանրամասներ հայտնել չեն կարող։
Փաստորեն, սա հերթական դեպքն է, երբ զոհի հարազատներն են փորձում հաշվեհարդար տեսնել՝ Հայաստանի իրավապահ համակարգի անգործության ֆոնին։
Ֆրանսիան, լինելով Հայաստանի հետ բարեկամական հարաբերությունների մեջ, առնվազն պարտավոր էր ապահովել հետախուզվողի հայտնաբերումն ու կալանավորումը, մինչդեռ նա, փաստորեն, շարունակում է ազատ շրջել «օրինապահ» երկիր Ֆրանսիայում։
Սա անպատժելիության հերթական դրսևորումն է, երբ արդարության բացակայության պայմաններում զոհվածների հարազատներին դրդում են վրեժխնդրության։
Հիշեցնենք, որ Ֆազի սպանության գործով մեղադրյալի կարգավիճակ ունեն գործող իշխանությունների հետ տարբեր օղակներով կապված Ռուստամ Ստեփանյանը, որը հայտնի է «Չաղ Ռուստամ» մականունով, և Աշոտ Կյուրեղյանը։
Լիա Սարգսյան
Source: USAArmenia
Ֆասթ Բանկը դարձել է «Արարատ» ֆուտբոլային ակումբի տիտղոսային հովանավորը Thu, 16 Apr 2026 13:05:32 +0400…
Հորմուզում ճգնաժամ է․ ԱՄՆ-ն խափանել է իրանական նավի անցումը Thu, 16 Apr 2026 13:00:09 +0400…
Մի քիչ փող տվեք, պրծնենք էդ ցավից Thu, 16 Apr 2026 13:00:05 +0400 Ազգային ժողովում…
Ավետիք Չալաբյանը և Աննա Կոստանյանը Բրյուսելում էին․ մանրամասներ Thu, 16 Apr 2026 12:58:10 +0400 «ՀայաՔվե»…
Փաշինյանն ընդդիմադիրներին առաջարկում է ստուգել իր «sms»-ները Thu, 16 Apr 2026 12:54:19 +0400 Քվեարկության համար…
Բերման է ենթարկվել Հասմիկ Ամիրզադյանը Thu, 16 Apr 2026 12:52:23 +0400 «Ուժեղ Հայաստան» կուսակցության խորհրդի…