ԱԺ փոխխոսնակ Հակոբ Արշակյանը, որ գտնվում է Սան Ֆրանցիսկոյում, հրապարակել է մի տեսանյութ, որտեղ դասական տաքսիների փոխարեն ինքնավար տաքսիներն են ծառայություն մատուցում փողոցում: «Ինքնավար տաքսիները լիարժեք աշխատում են քաղաքային երթևեկության մեջ»,-իր հիացմունքն է արտահայտել Արշակյանը փաստի առնչությամբ:
ԱԺ փոխխոսնակի այս հրապարակումը չէր արժանանա ուշադրության, եթե չլիներ մի կարևոր հանգամանք՝ ՔՊ-ական իշխանության արկածախնդրությունը:
Մասնավորապես՝ հարց է առաջանում՝ Արշակյանի այս հրապարակումն ինքնանպատա՞կ է արվել, թե՞ որոշակի մտադրությունների մասին է այն վկայում: Ժամանակին եթե մեկն ասեր, որ 100 դրամանոց մետաղադրամները Երևանում կարող են դառնալ գտածո, բոլորը կծիծաղեին, մինչդեռ հիմա, երբ Տիգրան Ավինյանն իբր բարեփոխում է տրանսպորտային համակարգն ու դրա շրջանակներում իրականցրել է բոլորին հայտնի փոփոխությունները, 100 դրամանոց գտնելը դարձել է հերոսություն:
Արդյոք Հակոբ Արշակյանի կողմից ինքնավար տաքսիների մասին տեսանյութի հրապարակումն առաջին քա՞յլն է՝ երևանում տաքսիների ոլորտում ևս «բարեփոխումներ» անելու: Օրինակ՝ մի «բարեփոխում» էլ իշխանություններն արել են «Զվարթնոց» օդանավակայանում՝ արգելելով բազմաթիվ անկախ տաքսիստների այնտեղ աշխատել՝ փոխարենն օգնելով իշխանությունների հետ փոխկապակցվող տաքսի ընկերություներից մեկին ազատորեն ու առանց մրցակցության փող աշխատել Հայաստան ժամանողների հաշվին: Շատ հնարավոր է, որ շուտով կարող են Երևանում տաքսի ծառայությունների ոլորտը ևս «բարեփոխել» այնպես, որ ոլորտում շրջանառվող փողերը կենտրոնանան իշխանությունների կամ նրանց հետ աֆիլացվող մասնավորների ձեռքում: Այդ նատակին հասնելու լավագույն ճանապարհներից մեկը կարող է լինել հենց ինքնավար տաքսիների շահագործում սկսելը ու այդ հիմքով ավանդական տաքսիների աշխատանքն արգելելը:
Մինչդեռ տաքսի ծառայություն մատուցելն այսօր Հայաստանի բնակչության մի ահռելի մասի համար հանապազօրյա հացի խնդրի լուծման միակ միջոցն է դարձել, և եթե իսկապես Արշակյանի կողմից հրապարակված տեսանյութն այն է, ինչի մասին խոսվեց, ապա վայը եկել ու տարել է շատ-շատերին:
Հուսանք՝ Հակոբ Արշակյանի հրապարակումը կմնա որպես լոկ զվարճանքի միջոց՝ չդառնալով քաղաքային իշխանությունների համար ուղեցույց, հակառակ դեպքում ականատես ենք դառնալու լրջագույն սոցիալական ցնցումների ու դրանցից բխող արտագաղթի ահռելի ալիքի:
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…