Կա տեսակետ, որ թե՛ Աղազարյանի, թե՛ մյուս ՔՊ-ականների հետ տեղի ունեցողը ծրագրված խաղ է, որի խաղավարը հենց Նիկոլ Փաշինյանն է. ցանկանում է հասունացնել քաղաքական ճգնաժամ ու գնալ արտահերթ ընտրությունների: Բայց հայտնի է, որ ՔՊ-ականները միաձայն հերքում են այս տարբերակը՝ հայտարարելով, որ Հայաստանում ընտրությունները լինելու են բացառապես հերթական:
Հարց է առաջանում՝ ի՞նչ կարող է տալ իշխանություններին թեկուզ տեսականորեն արտահերթ ընտրությունների անցկացումը, երբ առավել քան ակնհայտ է, որ նոր ընտրութունների դեպքում ՔՊ-ն մեծամասնություն չի կազմելու խորհրդարանում:
Արտահերթ ընտրությունների անցկացումն իմաստ կունենա երկու դեպքում. առաջին՝ եթե արվեն լրջագույն զիջումներ թշնամուն, և Նիկոլ Փաշինյանը, ինչպես 2021-ին, խնդիր դնի՝ վերարտադրվելու, երկրորդը՝ եթե ՔՊ-ական իշխանությունը ցանկանա ուղղակի «թռնել»՝ հասկանալով, որ չի կարողանում երկրի առաջ ծառացած գերխնդիրները լուծել:
Օրինակ՝ կա տեսակետ, որ 2018-ին Փաշինյանի հաղթանակը հետևանք էր նախորդ իշխանություների մոտ հասունացած նման գիտակցման: Այսինքն՝ նման փորձ Հայաստանում եղել է, հետևաբար՝ հարկ եղած դեպքում ինչո՞ւ չկրկնել:
Այս դեպքում, սակայն, Նիկոլ Փաշինյանը նախապես պետք է լուծած լինի իր անվտանգային երաշխիքների հարցը, քանի որ ակնհայտ է, որ ի տարբերություն նախկինների, փաշինյանական իշխանությունը չի կարողանալու Հայաստանում ապրել ու արարել. չափից շատ կարմիր գծեր են հատել:
Գուցե կա մի «X» ժամ, որի մասին գիտի միայն Նիկոլ Փաշինյանը, և գուցե հենց այդ ժամին պատրաստ լինելու համար է տարվում այս խաղը, որ արտաքուստ բավական տարօրինակ է թվում, բայց միայն նրանց համար, ովքեր չունեն բավարար տեղեկություն իրերի իրական դրության մասին:
Իհարկե, կա նաև մեկ այլ տարբերակ՝ ներքին ապստամբությունը կամ ինքնամաքրումը, բայց դրանք մի տեսակ պարզունակ են թվում ընթացող պրոցեսների ու աշխարհաքաղաքական վտանգավոր գործընթացների ֆոնին:
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…