Հանրային քնարկման է ներկայացվել «Հանրության շրջանում առողջ ապրելակերպի խրախուսման և երթևեկության այլընտրանքային ձևերի խթանման միջոցառումը հաստատելու մասին» որոշման նախագիծը:
Դրա շրջանակներում ԿԳՄՍՆ-ն խրախուսելու է, որպեսզի ոչ միայն դպրոցականների շրջանում հեծանիվ վարելը խթանվի, այլև բարձրագույն և մասնագիտական կրթության և ուսուցման (ՄԿՈՒ) հաստատությունների սովորողներն ու աշխատակիցները սկսեն հնարավորինս շատ հեծանիվ վարել: Այդ նպատակով նախատեսվում է պետական բյուջեի հաշվին սուբսիդավորել հեծանիվ ձեռք բերելու նպատակով ձևակերպվելիք վարկերը:Առաջարկվում է մինչև 300.000 դրամ տրամադրվող վարկով ձեռք բերել սիրողական դասի հեծանիվ: Վարկի մարման ժամկետն է մինչև 120 ամիս, սուբսիդավորման ժամկետը՝ մինչև 36 ամիս:
Թե որքան կնստի այդ սուբսիդավորումը հարկատուների վրա, դեռևս վաղ է ասել, բայց որ այս ամենն արդեն նմանվում է կոմեդիայի, փաստ է:
Հայաստանում հեծանիվի թեման իշխանությունները սկսեցին ակտիվորեն շրջանառել այն բանից հետո, երբ Փաշինյանն ու կինը սկսեցին հեծանիվով տեղաշարժվել ու այդ ամենը փիառային նպատակներով օգտագործել: Փաշինյանի մոտ հանկարծ հայտնաբերվեց հեծանիվ վարելու այնքան մեծ մոլուցք, որ նա սկսեց հեծանիվ վարել նաև աշխարհի տարբեր երկրների մայրաքաղաքներում , հայաստանյան դժվարահաս վայրերում ու սարերում: Կան բազմաթիվ վարկածներ, թե ինչու հենց հեծանիվը դարձավ քաղաքական արտահայտչամիջոց, բայց շատերի պնդմամբ՝ Փաշինյանը հեծանիվին տուրք տվեց իր դրսի տերերի պատվերով. ասում են որոշակի սիմվոլիզմ կա այս ամենում:
Բայց բացառված չէ, որ Ժաննա Անդրեասյանի այս նախագիծը կամ առաջարկությունն ունի միանգամայն նյութական կամ նույնիսկ ապագաղափարական դրդապատճառներ: Հնարավոր է, որ ՔՊ-ի հետ սերտորեն աֆիլացված ինչ-որ մի բիզնեսմեն որոշել է զարկ տալ հեծանիվների վաճառքին Հայաստանում՝ այդ նպատակով օգտագործելով բյուջեի հնարավորությունները: Համարել սա զուտ փիառային քայլ թերևս մի փոքր դժվար կլինի, քանի որ հայաստանյան հասարակությունում «կանաչ» գաղափարները պոպուլյար չեն ներկա պահի դրությամբ:
Բոլոր դեպքերում , եթե իսկապես կա նպատակ՝ բարելավելու մարդկանց առողջությունը, ապա ավելի լավ կլիներ, եթե բյուջետային միջոցներն ուղղվեին առողջապահության ոլորտի զարգացմանն ու բժշկության որակի, մատչելիության բարձրացմանը:
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…