«Ժողովուրդ» օրաթերթը գրում է. «Հայաստանում թունաքիմիկատների բիզնեսը, կարծես թե, ոսկոր է դարձել թե՛ ներկրողների, թե՛ Կառավարության կոկորդում։ ՍԱՏՄ-ից հստակ պատասխաններ չեն տալիս։
«Ժողովուրդ» օրաթերթին դիմած մի խումբ տնտեսվարողներ, ովքեր թունաքիմիկատներ են ներկրում տարբեր երկրներից, միաձայն պնդում են, որ նրանց առջև դրված արգելքների արմատներն ավելի խորն են, քան թվում է։ Նրանց խոսքով՝ բանն այն է, որ ԱԺ պատգամավոր Ալեքսանդր Ավետիսյանը և վարչապետի աշխատակազմի ղեկավարը ներկրված թունաքիմիկատների գրանցման որոշումների վրա ազդեցություն են ունենում։ Մասնավորապես նրանք ազդել են ՍԱՏՄ-ի կայացրած որոշումների վրա, որից հետո անհիմն պատճառներով չինական և հնդկական թունաքիմիկատների համար վաճառքի թույլտվություն չեն տվել։
«Հրաշք այգի» ՍՊԸ-ն հարցում-բողոքով դիմել է վարչապետի աշխատակազմ, որն էլ դիմումը վերահասցեագրել է սննդամթերքի և անվտանգության տեսչական մարմին։
«Արդեն տևական ժամանակ է՝ շուրջ երկու տարի, ինչ ՀՀ-ում պեստիցիդների և ագրոքիմիկատների գրանցման գործընթացը խաթարված է, դուրս է եկել օրինականության, ոլորտ կարգավորող օրենսդրական կարգավորումների շրջանակներից:
Մասնավորապես, ներկայացված պեստիցիդների գրանցման փաթեթները կա՛մ չեն քննարկվում կա՛մ ստացվում են մերժումներ՝ առանց որևէ հիմնավորման»,-ասված է դիմումի մեջ։
2024 թվականի փետրվարի 28-ին կայացած նիստի արդյունքների մասին ընկերությունը նախորդ տարեվերջին էր պատասխան ստացել ՍԱՏՄ-ից։
Պատասխանում ասվում է.
Պեստիցիդների և ագրոքիմիկատների գրանցման հանձնաժողովի 2024 թվականի փետրվարի 28-ի նիստի քվեարկության արդյունքում Հանձնաժողովի կողմից «Կվադրո», «Բանզայ 4», «Սիարա», «Շանս պլյուս», «Տրիումֆ», «Դելտաջի», «Գիտան ՄՑ», «Պուռազոլ» և «Մետկոր» տեսակի պեստիցիդների գրանցման վերաբերյալ ոչ թե տրվել է բացասական եզրակացություն և մերժում, այլ չի տրվել դրական եզրակացություն, քանի որ քվեարկության արդյունքներով՝ այդ ապրանքները չեն ստացել Հանձնաժողովի անդամների 2/3-ի աջակցությունը, և այդ հիմքով դրանց գրանցման վերաբերյալ որոշում չի կայացվել»,- ասված է ՍԱՏՄ-ի պատասխանում։
Բացի սա՝ պատասխանում նշում է, որ հանձնաժողովի անդամները չեն ներկայացրել անգամ իրենց դիրքորոշումների հիմնավորումները։
Բանն այն է, որ տնտեսվարողները պնդում են, թե հենց այս նիստին է ներկա եղել Ավետիսյանը, և այս որոշումներում կա նրա ազդեցությունը, սակայն Ավետիսյանը պնդում է հակառակը։
Ստացվում է, որ Կառավարությունից պատասխան չունեն, թե թունաքիմիկատների որոշ տեսակներ ինչու այդպես էլ չեն ստանում պետական գրանցում։ Ոչ էլ տալիս են չգրանցելու հիմքերը: Կարճ ասած՝ անպատասխանատու իրավիճակ»:
Առավել մանրամասն թերթի այսօրվա համարում
Source: USAArmenia
Ապրածս գիտակցական կյանքում, որ երկրի ներսում մարդը մարդու հետ այսքան թշնամացած լինի, երբևէ չէի տեսել։…
ԼԱՍ ՎԵԳԱՍ (KLAS) — Հայ ընդդիմադիր գործիչը, որը ներկայումս գտնվում է Հենդերսոնի ներգաղթի և…
Փաստաբան Արայիկ Պապիկյանը հայտարարում է անժամկետ գործադուլ Փաստաբանների պալատի անդամ Արայիկ Պապիկյանը հայտարարում է անժամկետ…
Փաստաբան Ալեքսանդր Կոչուբաևի ձերբակալության փաստն ու հատկապես եղանակը՝ վախ սփռելու միջոց է...«Միքայել Համբարձումյան և գործընկերներ»…
armlur.am Քիչ առաջ ՀՀ քննչական կոմիտեն, անդրադառնալով այսօր համացանցում տարածված հոգեւորականների խոսակցությանը, հայտնեց. «Հաղորդման առթիվ…
Hraparak. Առաջին ատյանի ընդհանուր իրավասության դատարանի նախագահի պարտականությունները կատարող Ժորա Չիչոյանի հրահանգով Երեւանի առաջին ատյանի…