Հայտարարելով, թե իրենք իրենց ջերմ վերաբերմունքը բանակի հանդեպ արտահայտում են բանակայինների մասին հոգածությամբ ու բանակի հանդեպ ընդգծված սոցիալական քաղաքականություն վարելով՝ Սուրեն Պապիկյանն իր ասուլիսում միաժամանակ մեկնաբանել է Նիկոլ Փաշինյանի կողմից դաշտ նետված այն թեզը, թե չարժե սրբացնել կամ սրբադասել բանակը: «…Կիսում եմ Հայաստանի Հանրապետութան վարչապետի այն մոտեցումը, որ պետք չէ արհեստականորեն ոչ միայն սրբագործել, այլև պատասխանավության այնպիսի մասնաբաժին դնել ԶՈՒ-ի վրա, որն առաջին հերթին ժամկետային զինծառայողը չի կարող կրել իր ուսերին…»,- մասնավորապես՝ հայտարարել է Պապիկյանը՝ հավելելով, որ իրենք բալանսավորված պատասխանատվության կողմնակից են:
Պապիկյանը, իհարկե, չէր կարող ասել, որ դեմ է հանդես գալիս Նիկոլ Փաշինյանի թեզերին, քանի որ դրանից 5 րոպե հետո նրան էլ, ինչպես ժամանակին ասենք Հովիկ Աղազարյանին, կարող էին SMS ուղարկել ու զրկել պաշտոնից: Բայց ակնհայտ է, որ Պապիկյանի կարիերային հարցերն ու դրանց լուծումները չեն տեղավորվում պատերազմող երկրին անհրաժեշտ չափանիշների կամ արժեհամակարգի ծիրից ներս:
Բանակը նույնացնել կամ նույնիսկ ստորադասել ասենք հարկ վճարողներին, ինչպես անում է Փաշինյանն այսօր, կարող է միայն այն իշխանությունը, որն առանձնապես չի զգում բանակի կարիքը՝ այն շատ իմաստներով համարելով ավելորդ բեռ:
Իսկ ի՞նչ է անում թշնամին, որը ծրագրում է նվաճել Հայաստանը:
Ռազմատենչություն է սերմանում իր ազգաբնակչության շրջանում, իր բանակն է սրբացնում ու դրա առաջ հստակ խնդիր դնում՝ ասենք «Արևմտյան Ադրբեջան» վերադարձնել 90-ականներին Հայաստանից փախած ազերիներին: Մի կողմից՝ բանակը չսրբադասողներն են, մյուս կողմից՝ այն պաշտողները:
Հարց՝ պատերազմի դեպքում ՞ր կողմի շանսերն են մեծ լինելու՝ պաշտպանելու կամ ընդլայնելու սեփական երկրի տարածքը:
Երևի կռահեցիք…
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…