ԿԳՄՍ նախարար Ժաննա Անդրեասյանի կառույցը որոշել է մշակութային քաղաքականութանը նեոբոլշևիկյան տարրեր հաղորդել՝ թիրախավորելով ազգայինը:
Մասնավորապես՝ «Մշակութային օրենսդրության հիմունքների մասին ՀՀ օրենքում լրացումներ և փոփոխություններ կատարելու մասին» օրինագծով Հայաստանի Օպերայի և բալետի թատրոնի, պատկերասրահի, գրադարանի և այլ մշակութային կառույցների անվանումներից նախատեսվում է հանել «ազգային» բառը. «համապետական»-ով են այն փոխարինելու:
Ո՞րն է խնդիրը:
Խնդիրը երկրում վարվող ապազգային քաղաքականությունն է, որը փորձեր է արվում քողարկել պետության մասին ՔՊ-ական շինծու լոլոներով: Օրինակ՝ նույն ԿԳՄՍ-ում կարծում են, թե «ազգային»-ը «համապետական»-ով փոխարինելն ավելի է ընգծելու պետության ու պետականության դերը: Այս մասին դեռ նախորդ տարվա սեպտեմբերին էին խոսում. Ժաննա Անդրեասյանի տեղակալն էր, մասնավորապես, նման «մուտիտներ» տարածում:
Իհարկե, գուցե ոմանց կարող է թվալ, թե էական ոչինչ էլ չի փոխվում, քանի որ ընդամենը գործ ունենք յուրատեսակ բառախաղի հետ, բայց երբ այդ «բառախաղը» դիտարկում են «Իրական Հայաստան» կոչվածի կոնտեքստում, որը հենց հիմա Նիկոլ Փաշինյանն իր տիկնոջ հետ ակտիվորեն գովազդում է սոցցանցերում, հասկանում ես, որ խնդիրը շատ ավելի խորն է, քան կարող է թվալ առաջին հայացքից:
«Պետական» եզրը շատ էր գործածվում Սովետում, ինչը բացատրելի էր. ԽՍՀՄ-ում ազգային քաղաքականությունը տարվում էր այնպես, որ հնարավորինս ընգծվեր Մոսկվայի դերը, քանի որ համարվում էր, որ ազգային գաղափարախոսությունը կարող է թուլացնել պետության հիմքերը: Այդ քաղաքականության դեմ, ի դեպ, տասնամյակներ ի վեր անձնուրաց պայքար էին մղում հայ մտավորականները, ինչն էլ, ի վերջո, պսակվեց հաջողութմամբ՝ ծնունդ տալով ազգաին պետութան ստեղծմանը:
Ժաննա Անդրեասյանը նոր Սովե՞տ է կառուցում, որ որոշել է վերացնել «ազգային» բառը, թե՞ «Արևմտյան Ադրբեջանի» ճարտարապետներն են նրան այդ մասին հրահանգել՝ չգրգռելու Ալիևի նյարդերը…
Ակնհայտ է, որ գործ ունենք հերթական քողարկված ապազգային որոշման հետ, որ հարվածում է մշակույթի ազգային հիմքերին՝ այն խեղաթյուրելով:
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…