Լրագրողների հետ ճեպազրույցում Առողջապահության նախարար Անահիտ Ավանեսյանը, պատասխանելով Նիկոլ Փաշինյանի՝ Շվեյացրիայում Ցեղասպանության մասին արած խայտառակ հայտարարությունների իսկությանը վերաբերող հարցին, ըստ էության, անպատասխան է թողել հարցն ու հայտարարել, որ չի կարող պատասխանել հարցին, քանի որ հարցի մեջ տեսնում է մանիպուլյացիա, ապա իրեն ուղղված ուղիղ հարցին՝ ցեղասպանություն եղե՞լ է, ամոթանք է տվել լրագրողին՝ ասելով.«Չե՞ք ամաչում՝ նման հարց եք տալիս»:
Անահիտ Ավանեսյանի պատասխանը բնութագրիչ կարելի է համարել ողջ ՔՊ-ի համար. երբ Նիկոլ Փաշինյանն ասում է մի բան, մյուսներն իրավունք չեն ունենում՝ սեփական կարծիքը հնչեցնելու այս կամ այն խնդրի վերաբերյալ: Բոլորը միաձայն կա՛մ արդարացնում են նրան, կամ, լավագույն դեպքում, չեն պատասխանում իրենց ուղղված հարցերին:
Ավանեսյանի դեպքում կարծես թե գործ ունենք երկրորդ տարբերակի հետ:
Բայց արդյոք Ավանեսյանին ուղղված հարցը Նիկոլ Փաշինյանի հայտարարություններից հետո ձեռք չի՞ բերել լեգիտիմություն:
Չէ, իհարկե, առնվազն անբարոյականություն է պատմական իրողությունը կասկածի տակ դնելը, դա չի քննարկվում, բայց օտարի աչքերով եթե նայում ես այս ողջ խեղկատակությանը, չի կարող չառաջանալ օբյեկտիվ մտահոգություն:
Օրինակ ՝ ինչո՞ւ պետք է թշնամին չառիթավորվի Փաշինյանի հայտարարություններից ու հակահայկական պրոպագանդան ու կեղծիքն ավելի մեծ թափով չտարածի, եթե Հայաստանի ղեկավարն իրեն թույլ է տալիս անել մի հայտարարություն, որը եթե օտարն աներ, ապա ողջ հայ ժողովուրդը մատ թափ կտար այդ մարդու վրա, կանիծեր: Բայց հիմա քանի՞սն են մատ թափ տալիս Փաշինյանի վրա, քանիսի՞ վեջին է, թե ինչ է նա խոսում:
Սա վկայում է մեկ բանի մասին՝ հայ ժողովուրդը հայտնվել է ազգային անկման, բարոյալքման հորձանուտում՝ նույնիսկ սեփական ինքնությունը կասկածի տակ դնելու աստիճան:
Եթե հայ հասարակությունը չլիներ հիվանդ, ապա Նիկոլ Փաշինյանի ինքնաթիռը Շվեյցարիայից չէր հասնելու «Զվարթնոց» օդանավակայան, կամ վայրէջքից հետո մի այնպիսի բունտ պետք է բռնկվեր, որ վերջում Նիկոլ Փաշինյանը հրաժարական տար:
Ամենամեծ հարցը հետևյալն է՝ ո՞վ է կոտրել հայ ժողովրդի իմունիտետը, արդյոք միայն Նիկոլ Փաշինյա՞նը…
Source: USAArmenia
Գյումրու Քաղաքապետարանի պաշտոնական Էջի հայտարարություն է տարածել Source: USAArmenia
ՀՀ հակակոռուպցիոն կոմիտեի օպերատիվ–հետախուզական վարչության կողմից ձեռնարկված մեծածավալ օպերատիվ–հետախուզական միջոցառումների և գաղտնի քննչական գործողությունների արդյունքում…
Աշուն է՝ լցված սիրով, գույնով, բույրով և հեքիաթով։ Այսամենը պարզապես եղանակ չէ․ աշունն իր ոսկեգույն…
Կառավարությունն ու առողջապահության նախարարը կրկին խոսում են առողջության համապարփակ ապահովագրության (ԱՀԱ) մեկնարկի մասին՝ խոստանալով, որ…
Մամուլի ազատականացման ֆոնին, ինչպես նաև համացանցային չվերահսկման արդյունքում ձևավորվել է այնպիսի մշակույթ, որ ով ուզի,…