Գյումրիում ֆիասկոյի ենթարկված ՔՊ-ի լիդեր Նիկոլ Փաշինյանը ֆեյսբուքյան իր էջի միջոցով շարունակում է պարբերաբար ներկայացնել Հայաստանի «ձեռքբերումները»՝ հընթացս փորձելով փիառել սեփական իշխանությունն ու անձը:
Այս անգամ էլ մի ֆեյսբուքյան ռիլով հանրությանը տեղեկացրել է, որ Երևանում պարեկները այլևս ծառայություն կիրականացնեն տեխնիկապես հագեցած, նոր էլեկտրոմոբիլներով: Խոսքը, մասնավորապես, երևանյան ավտոսալոնից գնված «Volvo» մակնիշի ամենագնացների մասին է, որոնք տասնյակ հազարավոր դոլարներ արժեն՝ արժեք, որ պետական բյուջեից է, փաստորեն, վճարվել:
Հարց է առաջանում՝ ինչո՞ւ պետք է շարքային քաղաքացին ընկնի էյֆորիայի մեջ այդ փաստի կապակցությամբ, եթե երկրում սոցիալական վիճակը շարունակում է, մեղմ ասած, անբավարար համարվել, իսկ ծիծաղելի չափի թոշակներն էլ արդեն որերորդ տարին է՝ չեն բարձրանում, քանի որ Նիկոլ Փաշինյանը քաղաքացիների աղքատության պատճառ նրանց մտածելակերպն է համարում: Կամ այդ ի՞նչ հավելյալ արդյունք են ապահովելու պարեկները, որ արժանացել են էլեկտրամոբիլներով ծառայություն իրականացնելու հաճույքին: Բենզինային շարժիչների պատճառո՞վ էր, որ նրանցից շատերը պատուհաս են դարձել քաղաքացիների գլխին կամ վերածվել հանցագործների:
Ակնհայտ է, որ բյուջեի վրա միլիոնավոր դոլարներ արժեցած «Volvo»-ները չեն բարելավելու ՔՊ-ի ընկած վարկանիշը, ընդհակառակը՝ այնպիսի հարված են հասցնելու, որ Փաշինյանին քիչ չթվա: Իշխանությունները որոշել են շոյել պարեկների գլուխը, քանի որ հասկանում են, որ ՔՊ-ի իշխանությունը հենվում է «դուբինկաների» վրա, այլ ոչ թե ժողովրդի: Հետևաբար՝ քաղաքական առումով շատ ավելի նպատակահարմար ու էժան է նրանց էլեկտրամոբիլներով հղփացնելը, քան ասենք թոշակ բարձրացնելը՝ չհաշված «ատկատը», որ հաճախ տեղի է ունենում նմանատիպ դեպքերում:
Source: USAArmenia
Երբեմն մամուլում շրջանառվում է նախկին ոստիկանապետ Գասպարյան Վովայի անունը: Ընդ որում, այն շրջանառվում է բացառապես…
Սեփական կարիքների համար բենզին ներկրող Ադրբեջանը (Ռուսաստանից, ԱՄԷ-ից, Ռումինիայից) Հայաստան բենզին է արտահանում։ Ակնհայտ է,…
Հայաստանի գլխավոր դատախազությունը քրեական հետապնդման ենթարկելու նպատակով նախկին գլխավոր դատախազ Գևորգ Կոստանյանին ՀՀ իրավասու մարմիններին…
Ֆինանսների նախարարության Եվրոպական միության հետ աշխատանքների համակարգման բաժնի նախկին ղեկավար Հ.Գ.-ն, նախնական համաձայնության գալով ԵՄ…
Սպիտակ տունը դադարեցնում է գրին-քարտ վիճակախաղի ծրագիրն այն առնչությամբ, որ Բրաունի համալսարանի հրաձգության կասկածյալը եկել…