Թրամփին նախազգուշացրել են էներգետիկ ճգնաժամի մասին
Tue, 17 Mar 2026 21:30:15 +0400
Ամերիկյան խոշորագույն նավթագազային ընկերությունները նախազգուշացրել են նախագահ Դոնալդ Թրամփին, որ Մերձավոր Արեւելքում իրավիճակի ներկայիս էսկալացիան կարող է դառնալ պատճառ էներգետիկ ճգնաժամի։ Այս մասին հայտնում է The Wall Street Journal պարբերականը։ Համաձայն հաղորդման, նման մտավախություններ Սպիտակ տան ղեկավարին ներկայացրել են՝ Exxon Mobil, Chevron եւ ConocoPhillips ընկերությունների ներկայացուցիչները՝ մարտի 11-ին, Սպիտակ տանը տեղի ունեցած հանդիպման ժամանակ, որին մասնակցել է նաեւ նախագահ Թրամփը։
ExxonMobil-ի գործադիր տնօրեն Դարեն Վուդսը հայտարարել է, որ էսկալացիան կարող է ճգնաժամ առաջացնել ամերիկյան վառելիքի շուկայում։ Նավթամթերքների դեֆիցիտի ֆոնին հնարավոր սպեկուլյատիվ գործողությունները, ըստ Վուդսի, կբերեն բենզինի գնաճի։ Ընդ որում, նույնիսկ եթե ակտիվորեն ծախսվեն ռազմավարական պաշարները, դա կարող է բավարար չլինել՝ ճգնաժամը հաղթահարելու համար։ Որպես տարբերակներից մեկը՝ իրավիճակի հանգուցալուծման՝ կարող է լինել Հորմուզի նեղուցի ապա-արգելափակումը։ Սակայն դրա համար Միացյալ Նահանգները եւ Իսրայելը պետք է դադարեցնեն ռազմական գործողություններն ընդդեմ Իրանի։