Մինչ ոմանք թիրախի տակ են առել Ռոմանոս Պետրոսյանի նոր աշխատավարձը՝ ամսական 5.2 միլիոն դրամ՝ իրավամբ նկատելով, որ այն բավական բարձր է, վերջինս հանրության ուշադրությունը հրավիրել է մի խայտառակ փաստի վրա: Պարզվում է՝ քաղաքական հայտ ներկայացրած նորահայտ «Մեր ձևով» շարժման լիդերներից Նարեկ Կարապետյանը, որը, այս օրերին ընկած Հայաստանի մարզերով մեկ, ժողովրդին սոցիալական դրախտ է խոստանում, և որը ՀԷՑ-ի տնօրենների խորհրդի նախագահն է, 2017-2024 թթ. ընթացքում ՀԷՑ-ի կողմից ստացել է ընդհանուր մոտ 400 մլն դրամ աշխատավարձ:
«…Ըստ այդմ՝ 2017 թվականից մինչև 2024 թվականը ներառյալ (8 տարի անընդմեջ) տարեկան վարձատրությունը կազմել է 46.537.500,00 ՀՀ դրամից մինչև 53.362.488,00 ՀՀ դրամ (հարկերը ներառյալ):Եվ արդյունքում, իհարկե, ՀԷՑ-ի բարձր ղեկավարության այս և մյուս նախկին ու որոշ գործող ներկայացուցիչների աստղաբաշխական վարձատրություններն ուղղակի կամ անուղղակիորեն «Իրենց ձևով» ներազդել է մեր ժողովրդի կողմից սպառվող էլեկտրաէներգիայի սակագնի վրա»,-մասնավորապես՝ գրել է Պետրոսյանը:
Ստացվում է բավական խոսուն պատկեր. Կարապետյանը, որ այսօր փոձում է հանդես գալ որպես ժողովրդի փրկիչ, փաստացի տարիներ շարունակ օգտվել է այն համակարգից, որի ծանրությունը կրել է հենց ժողովուրդը։ Նրա խոստումները՝ սոցիալական դրախտ ապահովելու մասին, ակնհայտորեն չեն տեղավորվում հրապարակված փաստերի տրամաբանության ծիրից ներս:
Հարց է առաջանում․ ինչպե՞ս կարող է մի մարդ, որը ութ տարի շարունակ ստացել է միլիոնավոր դրամների աշխատավարձ՝ այն էլ մի ոլորտից, որը կենսական նշանակություն ունի յուրաքանչյուր ընտանիքի համար, այսօր խոսել սոցիալական արդարության ու հավասարության մասին հատկապես մի դեպքում, երբ հայտնի է, որ ՀԷՑ-ը երբեք անխնդիր կառույց չի եղել: Ամենօրյա հոսանքազրկումները նույնիսկ Երևանի կենտրոնում այսօր դարձել են լրիվ սովորական երևույթ։
Այսպիսով՝ Պետրոսյանի հրապարակած տվյալները ոչ միայն բացահայտում են «Տաշիր Սամոյի» ՀԷՑ-ի իրական դեմքը, այլև լուրջ հարցականի տակ են դնում Նարեկ Կարապետյանի քաղաքական օրակարգի անկեղծությունը։ Իսկ ահա ինչ վերաբերում է «Տաշիր Սամոյին», ապա նրան պետք է մի հարց ուղղել՝ քանի՞ բնակավայրի պատշաճ էլեկտրամատակարարման հարց կարելի կլիներ լուծել, եթե իր եղբորորդու ֆինասնական ամբիցիաների բավարարման հարցում մի փոքր զսպվածություն դրսևորեր ու ՀԷՑ-ը չայլասերեր, կամ այդ ինչ տիտանակն աշխատանք էր կատարում այս երիտասարդը, որ արժանանում էր նման բարձր ֆինանսական պարգևների…
Source: USAArmenia
Ինչու են փակում դպրոցը, որ գյուղը դատարկվի՞ Thu, 30 Apr 2026 21:19:55 +0400 «Գյուղը կդատարկեն,…
Ինչ էին ասում հայ մտավորականները 30 տարի առաջ Thu, 30 Apr 2026 21:15:55 +0400 Հատել…
ՀՅԴ Հայ դատի Եվրոպայի գրասենյակը ողջունում է Եվրոպական խորհրդարանի բանաձևը Thu, 30 Apr 2026 21:09:51…
Սառը պատերազմից ի վեր ամենախոշոր զորավարժությունները՝ Ֆրանսիայում Thu, 30 Apr 2026 21:00:20 +0400 Ֆրանսիան անցկացրել…
Դուք ծանրակշիռ դեր եք ունենալու նաև համաշխարհային սպորտի զարգացման գործում. ուղերձներ՝ Ծառուկյանին Thu, 30 Apr…
Նիկոլ Փաշինյանը «մոռացավ» նվիրողի մասին նշել Thu, 30 Apr 2026 20:45:27 +0400 Նիկոլ Փաշինյանը ապրիլի…