Սուրեն Պապիկյանը հրաժարվել է մեկնաբանել Ադրբեջանից այս օրերին հնչող ռազմատենչ հայտարարությունները՝ պնդելով՝ սովորություն չունի՝ մեկնաբանելու այն, ինչը չի լսել կամ չի կարդացել: «Այն, որ Ադրբեջանի հռետորաբանությունն օգոսոտսի 8-ից հետո իջել է, փոխվել է ու դա տեսանելի է նաև սահմանին, փաստ է, ու երբ մենք խոսում են խաղաղության մասին, ամենևին հորինված չէ, իրականություն է»,-մասնավորապես՝ հայտարարել է մանկավարժի մասնագիտացում ունեցող նախարարը:
Մինչդեռ այս օրերին Ադրբեջանից բավական անհանգստացնող հայտարարություններ են հնչում:Մի կողմից՝ ադրբեջանցի պատգամավորներից մեկն էր օրերս խոսել Ալիևի՝ Երևանից ունենալիք ելույթի ու դրա գլոբալ նշանակության մասին, մյուս կողմից՝ ինքը՝ Ալիևն է կրկին հոխորտացել՝ պնդելով, թե չկա Սևանա լիճ, այլ կա Գյոյչա: «Գիտնականներն արդեն բազմաթիվ աշխատանքներ են արել այս թեմայով, բայց անհրաժեշտ է ավելին՝ հետազոտություններ, ցուցահանդեսներ, հրապարակումներ, պատմական քարտեզներ: 20-րդ դարի սկզբին հին ռուսական կայսերական քարտեզները հստակ ցույց են տալիս, որ այսօրվա Հայաստանի տարածքում գրեթե բոլոր տեղանուններն ադրբեջանական ծագում ունեն: Չկա Սևանա լիճ, բայց կա Գյոյչա լիճը»,-հայտարարել է Ադրբեջանի նախագահը:
Նախարարը պնդում է, թե ինքը տեղյակ չէ հնչող հայտարարությունների մասին, ինչը փաստացի անհնար է: Հակամարտության մեջ գտնվող երկրի պաշտպանության նախարարը չի կարող տեղյակ չլինել սկանդալային հայտարարությունների մասին: Իսկ եթե, այնուամենայնիվ, Պապիկյանը չի ստում, ապա դա նշանակում է, որ ՊՆ-ն պարզապես չի գործում,իսկ ինքն էլ իր տեղում չէ: Եթե նա տեղյակ է, բայց նախընտրում է չարտահայտվել, ապա սա արդեն քաղաքական մանիպուլյացիա է՝ հնարք, որը ՔՊ-ում շատ հաճախ են կիրառում։
Ինչ վերաբերում է Պապիկյանի՝ Ադրբեջանից հնչող հռետորաբանության մասին հայտարարությանը, ապա նկատենք, որ դրանք հերքվում են փաստերի ուժով. հնչած հայտարարությունները հակառակի մասին են վկայում:
Միաժամանակ արձանագրենք, որ Բաքվից հնչող հայտարարությունները Հայաստանի Հանրապետության ինքնիշխան տարածքի նկատմամբ բացահայտ նկրտման արտահայտություն են։ Ալիևը ոչ թե պարզապես սպառնում է ուժով, այլ գաղափարական հիմք է նախապատրաստում ապագա հնարավոր ագրեսիայի կամ պահանջների համար՝ կոչ անելով հետազոտություններ անել և պատմական քարտեզներ հրապարակել։
Խաղաղության մասին Պապիկյանի հայտարարությունը մի շատ լեգիտիմ հարց է առաջացնում՝ ինչպե՞ս կարող է խաղաղությունը լինել իրականություն այն պարագայում, երբ հակառակորդ կողմի ղեկավարը բացահայտորեն վիճարկում է քո երկրի տարածքային ամբողջականությունը՝ Սևանա լիճն անվանելով «Գյոյչա» և հավակնելով Երևանին։
Պապիկյանն ընդամենը ցանկալին փորձել է մատուցել իրականության տեղ՝ անտեսելով հստակ սպառնալիքներն ու անհամաչափորեն արձագանքելով ադրբեջանական հռետորաբանությանը: Նպատակն էլ ՔՊ-ի կողմից տարվող քարոզը համոզիչ դարձնելն է ու խաղաղությունը ՔՊ-ի համար քաղաքական կապիտալ սարքելը: Ի՞նչ կապ ունի՝ ինչ է ասում Բաքուն, կարևոր է՝ ինչ է ասում Սուրեն Պապիկյանը:
Մինչդեռ Պաշտպանության նախարարի խնդիրը պետք է լիներ ոչ թե անհարմար իրականությունից խուսափելը, այլ դրան սթափ գնահատական տալը, բայց նա նախընտրել է այս դեպքում քաղաքականություն խաղալ ու չխոստովանել,ո ր ՔՊ-ական գլխավոր քարոզչական նարատիվը ընդամենը փուչիկ է:
Ալեքսանդր Գրիգորյան
Source: USAArmenia
Բենզինը հոտ ունի, և մարդիկ սովոր են դրան։ Բայց սա հոտ չէ։ Սա հիշողություն է,…
Երբեմնի ընդդիմադիր գործիչ, «Բայազետ» ազատամարտիկների միության փոխնախագահ Անուշ Զուրաբյանը, որ ոչ վաղ անցյալում քննադատում էր…
հունվարի 1-ից ԱՄՆ ամբողջովին կամ մասնակի կասեցնում է 39 երկրների քաղաքացիներին և Պաղեստինի կողմից տրամադրած…
«Ազդարար» կայքում դատախազության հրապարակած ծանուցման համաձայն՝ գլխավոր դատախազություն են հրավիրվել ՀՀԿ գործադիր մարմնի անդամ Կարեն…
Դիաննա Գասպարյանը այն եզակի ՔՊ-ականներից է, որն էջմիածինն ամենաշատն է սիրել և մեծարել յուրովի՝ լավագույնս…
Հակակոռուպցիոն կոմիտեում քննված քրեական վարույթով հիմնավորվել է, որ 2018 թվականի հոկտեմբերի 21-ից Վաղարշապատ համայնքի ղեկավարի…