Օրբանին սատարելն ավարտվեց պարտությամբ․ ի՞նչ կլինի Փաշինյանի դեպքում
Tue, 14 Apr 2026 14:15:46 +0400
ԱՄՆ փոխնախագահ Ջեյ Դի Վենսը հայտարարել է, որ տխրել է Հունգարիայում կայացած ընտրությունների արդյունքներից, որտեղ գործող վարչապետ Վիկտոր Օրբանը պարտություն կրեց։
Այս մասին հայտնել է Politico-ն։
«Մենք չգնացինք, որովհետև սպասում էինք, որ Օրբանը հեշտությամբ կհաղթի։ Մենք գնացինք, որովհետև դա ճիշտ քայլ էր՝ աջակցելու մեկին, ով երկար ժամանակ մեզ հետ է եղել», – ասել է Վենսը։
Նա ընդունել է, որ իր թիմը գիտեր, որ հունգարացի առաջնորդը մեծ հավանականություն ունի պարտվելու։
Հիշեցնենք, ընտրությունների նախաշեմին Վենսն այցելել էր Հունգարիա և աջակցություն հայտնել Օրբանին։
Ի դեպ, Հայաստան կատարած այցի ժամանակ էլ ԱՄՆ փոխնախագահն անթաքույց սատարել էր Նիկոլ Փաշինյանի թեկնածությանն ԱԺ առաջիկա ընտրություններում։
Պետք է հուսալ, որ Փաշինյանի դեպքում էլ կգործի Վենսի հունգարական «սցենարը»։
Ասում են՝ պատմությունը կրկնվելու հատկություն ունի։