Լրահոս – Lrahos Լուրերի անսպառ աղբյուր
ԱՄՆ Պետդեպարտամենտը կդադարեցնի ներգաղթային վիզաների տրամադրումը 75 երկրի, այդ թվում՝ ՀՀ քաղաքացիներին։
«Պետդեպարտամենտը կդադարեցնի ներգաղթային վիզաների տրամադրումը 75 երկրի համար, որտեղից ժամանած միգրանտները ստանում են անընդունելիորեն բարձր սոցիալական նպաստներ ամերիկյան ժողովրդի հաշվին»,- ասված է ԱՄՆ պետքարտուղարության X-ի էջում տեղադրված հաղորդագրության մեջ։
Պետդեպարտամենտը շեշտել է, որ սառեցման որոշումն ուժի մեջ կմնա այնքան ժամանակ, քանի դեռ Միացյալ Նահանգները չի համոզվել, որ նոր միգրանտները «չեն ապրի ամերիկյան ժողովրդի հաշվին»։
Որոշումն ուժի մեջ կմտնի հունվարի 21-ից։ Հայաստանից բացի, սահմանափակումները կվերաբերեն Ռուսաստանին, Ադրբեջանին, Վրաստանին, Իրանին, Իրաքին, Բրազիլիային, Եգիպտոսին, Ղազախստանին, Թաիլանդին և այլ երկրների։
Source: USAArmenia
