Ժամը 18։10-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Արաբկիրի բաժնում հերթական օպերատիվ տեղեկություններ են ստացվել, որ Սարալանջի փողոցից դեպի Տերյան փողոց տանող ճանապարհահատվածում՝ «Կասկադ» համալիրի կիսակառույց շինության մոտ, քարերի վրա դի կա։
Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են ոստիկանության Արաբկիրի բաժնի օպերատիվ խումբը՝ բաժնի պետ Ռուբեն Ներսիսյանի գլխավորությամբ։
Տեղում պարզվել է, որ ստացված օպերատիվ տեղեկությունը հավաստի է և ոստիկանները «Կասկադի» կիսակառույց շինության այդ հատվածում՝ դժվարանցանելի վայրում հայտնաբերել են տղամարդու դի։
Այն դուրս բերելու համար ոստիկաններին օգնության են հասել ՀՀ ՆԳՆ Փրկարար ծառայության հատուկ նշանակության փրկարարական աշխատանքների իրականացման կենտրոնի հատուկ փրկարարները, ովքեր մեծ դժվարությամբ մոտ 500 մետր ոտքով մարմինը մոտեցրել են դիատարին։
Դեպքի մասին ոստիկանության Արաբկիրի բաժնից տեղեկությունը փոխանցել են ՀՀ Քննչական կոմիտեի Երևան քաղաքի քննչական վարչության Արաբկիրի քննչական բաժին, որտեղից ժամանել է քննչական խումբը՝ բաժնի պետի և հատկապես կարևոր գործերով ավագ քննիչ Արտյոմ Համզոյանի գլխավորությամբ։
Դեպքի փաստով Արաբկիրի քննչական բաժնում նախաձեռնվել է քրեական վարույթ, որտեղ էլ պարզվում է մահացածի ինքնությունը։
Գ․ Շամշյանի տեղեկություններով՝ մահացածը ոստիկանության Քանաքեռ-Զեյթունի բաժնի և իր հարազատների կողմից երկվանից որոնվում էր որպես անհայտ կորած։
Source: USAArmenia
Աշխարհի 7 հրաշալիքներից մեկի մնացորդները հանել են ծովի հատակից Thu, 26 Feb 2026 23:59:32 +0400…
Նիկոլի հերթական ճոխ խոստումը մեռավ Thu, 26 Feb 2026 23:47:55 +0400 Նիկոլի հերթական ճոխ խոստումը…
Եւս մեկ սկանդալային պաշտոնակություն՝ մանկապիղծի հետ կապերի պատճառով Thu, 26 Feb 2026 23:45:07 +0400 Դավոսի…
Մահացել է երգիչ Գագիկ Հարությունյանը Thu, 26 Feb 2026 23:06:21 +0400 Կյանքից հեռացել է երգիչ…
Սպիտակ տան մաքսային քաղաքականությունը սպառնում է ամերիկյան տնտեսությանը Thu, 26 Feb 2026 23:00:48 +0400 Ամերիկյան…
Ամերիկացիները սկսել են ընդօրինակել չինացիներին Thu, 26 Feb 2026 23:00:00 +0400 Միացյալ Նահանգներում որոշ ամերիկացիների…